世澄日本料理 (億利工業中心) (Closed)

今日幫完朋友結婚既野就入嚟試下新開既日本餐廳。極上牛肉鍋 $98如果有埋爐上會有風味啲，份量ok。好多娃娃菜係底，金茹少左少少，哈哈！牛肉唔算多肥，依個幾好既！豬骨湯底幾濃，應該要配過烏冬先得。北海道刺身丼 (北寄貝、蟹肉、帶子、魚子、蟹子、玉子) $98碗比一般外面食細，但飯量多都有1.5碗到，視覺上係細。刺身都幾新鮮。蟹肉同魚子配飯真係好鮮！最衰話海膽賣晒，否則就好好食啦！玉子切到細細件，食多幾回，甜度剛好。親子四彩刺身丼 (油甘魚、三文魚、帶子、魚子) $78油甘魚幾香口帶油，三文魚同魚子配紫蘇葉食幾好，無咁滿滿油口。整體都ok，係荔枝角新嘗試餐廳。