Video
Read full review
2023-07-30
1335 views
Pici @ D2 Place聽講Pici手工意粉同Tiramisu 都幾出色，今日難得同朋友經過 D2 Place，就入嚟試試。荔枝角分店嘅裝修好有復古英倫風格，寬敞闊落又坐得幾舒服，員工嘅服務都好好有禮貌。我哋星期日中午去到冇乜人可以直接Walk in。因為就咁睇Set Lunch好似都唔太啱食同埋太多，我哋就直接散嗌算：🐟Tuna Tartare呢度吞拿魚他他我覺得比其他餐廳食過嘅好食，夠晒入味，份量亦都好夠。🥓Andrea's Cold Cuts整體嚟講呢個火腿拼盤算係一般，但值得一題既係火腿肥瘦適中而且味道唔算太鹹，配埋水牛芝士食落都幾過癮🍝Pappardelle Beef Cheek算係本店嘅其中一個Signature之一，整體嚟講味道唔錯，不過不失。牛面頰煮得夠林，手工寬條麵幾有咬口，同時亦都juicy掛到汁。☕️Tiramisu雖然賣相睇落唔係好吸引，味道都算係唔錯，一嚟就聞到好香嘅可可同埋咖啡味。入口有陣豐盈既奶香，Lady Finger 亦都好入味。但整體只可講係不過不失，性價比唔算好高。🍮Panna Cotta意式奶凍有唔算好重嘅奶味，但就有少少偏甜食落有少少膩既口
聽講Pici手工意粉同Tiramisu 都幾出色，今日難得同朋友經過 D2 Place，就入嚟試試。
荔枝角分店嘅裝修好有復古英倫風格，寬敞闊落又坐得幾舒服，員工嘅服務都好好有禮貌。我哋星期日中午去到冇乜人可以直接Walk in。
因為就咁睇Set Lunch好似都唔太啱食同埋太多，我哋就直接散嗌算：
🐟Tuna Tartare
呢度吞拿魚他他我覺得比其他餐廳食過嘅好食，夠晒入味，份量亦都好夠。
🥓Andrea's Cold Cuts
整體嚟講呢個火腿拼盤算係一般，但值得一題既係火腿肥瘦適中而且味道唔算太鹹，配埋水牛芝士食落都幾過癮
🍝Pappardelle Beef Cheek
算係本店嘅其中一個Signature之一，整體嚟講味道唔錯，不過不失。牛面頰煮得夠林，手工寬條麵幾有咬口，同時亦都juicy掛到汁。
☕️Tiramisu
雖然賣相睇落唔係好吸引，味道都算係唔錯，一嚟就聞到好香嘅可可同埋咖啡味。入口有陣豐盈既奶香，Lady Finger 亦都好入味。但整體只可講係不過不失，性價比唔算好高。
🍮Panna Cotta
意式奶凍有唔算好重嘅奶味，但就有少少偏甜食落有少少膩既口感，層果jam酸中帶甜咁，味道算係一般。
吞拿魚他他 & Andrea's Cold Cuts
28 views
0 likes
0 comments
慢煮牛面頰寬帶麵
33 views
1 likes
0 comments
Tiramisu & Panna Cotta
43 views
0 likes
0 comments
Post
