繼 (Moved) New Location

今日仍然Work from Home同老公去咗D2 Place諗住食個好啲嘅lunch。附近高質日本菜選擇唔多, 亦好耐冇食鐵板燒所以嚟咗呢度。近期亦聽有朋友講佢嘅壽司幾抵食所以想試試。我哋叫咗個12件壽司餐同一個最平嘅鐵板燒餐share....整體服務很好，鐵板燒師傅很友善, waitress 收碟收得快，茶都refill得好密...壽司其實都新鮮不過冇乜驚喜。本人亦都不太鍾意食蚌同埋魷魚但佢哋已經佔咗兩件...😔 咁多件入面最好食係件海膽。鐵板燒反而唔錯。燒銀雪魚好滑仲跟咗條香脆嘅魚皮增加口感。塊煎香咗甜甜嘅多士都幾好味。薄切牛肉雖然牛肉味唔夠，但係裏面包嘅蒜片好香脆。煎鵝肝略嫌太油。