幸腹滿屋日本料理 (Closed)

去左荔枝角批發廣場行街，大家都想食日本野，發現左一間新開既餐廳，就一於去試下。餐廳好易搵，地鐵站一出過條馬路行幾步就到，門口有幅日本門簾。餐廳格局好新淨，大約有9-10張4人枱，座位之間寬敞，坐低之後就點菜，除左刺身，壽司，熱食，炸物重有串燒，款式非常多元化。每人各點左一個刺身飯，珍寶魚生飯$180....三款刺身各有4大片，每塊刺物都大大塊夠新鮮，日本米沾上醋，分量都不少，食完都飽左7,8成，值得一讚是芥末係即磨，辣度十足。三色魚生飯$168.....同珍寶個款唔同在於，帶子轉左為吞拿魚，都係一式4片，我偷食左一舊吞拿魚來食，味道都非常唔錯。忌廉蟹肉餅$58/2件...外皮炸得剛好，內層香滑忌廉薯蓉混合蟹肉，兩者味道非常夾，呢款餅大推，因為剛剛炸起，食個陣最好等一陣，歎凍少少先食。明太子玉子燒$68...玉子中間有好多明太子，要好小心夾起，明太子有少許咸，玉子煎得很嫩滑,味道混合起來不錯。鰻魚柳川煮$90...第一次聽既菜式，上枱時都好特別，係用一個鐵鍋器皿上，鰻魚加入洋蔥和雞蛋煮成，煮法似滑蛋豬排丼。