Video
Read full review
2023-02-28
130 views
忙碌既2月終於過左，3月份同屋企人食餐好既，知佢地鐘意食中菜，一於同佢地去荔枝角既御名園食海鮮餐啦，平日晚市有多款組合優惠，仲有我地最鐘意食既龍蝦伊麵，超豐富🌟御膳養生燉靚湯 萬壽果南北杏燉鴿皇 ($33.8/位)八年陳皮燉水鴨 ($43.8/位)平時工作太忙無時間煲老火湯，見到佢地有燉湯仲要做緊優惠當然要試下啦，兩款燉湯超足料，仲有化痰止咳既功效，呢排轉天氣有幾聲咳，最適合飲返碗燉湯滋潤下🌟潤燒石岐乳鴿 ($55/隻)媽媽最鐘意食乳鴿，知佢好耐無食乳鴿係時候孝敬下佢，乳鴿皮煎到香脆，肉質鮮嫩又juicy，正🌟金蒜銀絲蒸鮮元貝 ($38/隻)我地全家都好鐘意食海鮮，佢地既海鮮都做緊優惠，$38一隻真係超抵，平過自己係街市買料返屋企加工，元貝鮮甜又厚肉，配埋粉絲一齊蒸超好味🌟頭抽煎焗老虎蝦 ($48/隻)虎蝦超大隻，擺盤賣相夠哂吸引，蝦肉爽口彈牙，配埋甜甜地既醬油，夠哂惹味🌟生猛西澳洲龍蝦 (金湯焗伊麵底) ($438)佢地既龍蝦伊麵都做緊特價，用既仲要係新鮮西澳龍蝦，每隻大概有1斤4兩，連埋伊麵份量都唔少，啖啖肉煮到剛剛好，依然保持彈牙鮮味，必試推介🌟晚市組合: 金蒜銀絲蒸空運蟶子 拼
忙碌既2月終於過左，3月份同屋企人食餐好既，知佢地鐘意食中菜，一於同佢地去荔枝角既御名園食海鮮餐啦，平日晚市有多款組合優惠，仲有我地最鐘意食既龍蝦伊麵，超豐富
🌟御膳養生燉靚湯
萬壽果南北杏燉鴿皇 ($33.8/位)
八年陳皮燉水鴨 ($43.8/位)
平時工作太忙無時間煲老火湯，見到佢地有燉湯仲要做緊優惠當然要試下啦，兩款燉湯超足料，仲有化痰止咳既功效，呢排轉天氣有幾聲咳，最適合飲返碗燉湯滋潤下
🌟潤燒石岐乳鴿 ($55/隻)
媽媽最鐘意食乳鴿，知佢好耐無食乳鴿係時候孝敬下佢，乳鴿皮煎到香脆，肉質鮮嫩又juicy，正
🌟金蒜銀絲蒸鮮元貝 ($38/隻)
我地全家都好鐘意食海鮮，佢地既海鮮都做緊優惠，$38一隻真係超抵，平過自己係街市買料返屋企加工，元貝鮮甜又厚肉，配埋粉絲一齊蒸超好味
🌟頭抽煎焗老虎蝦 ($48/隻)
虎蝦超大隻，擺盤賣相夠哂吸引，蝦肉爽口彈牙，配埋甜甜地既醬油，夠哂惹味
🌟生猛西澳洲龍蝦 (金湯焗伊麵底) ($438)
佢地既龍蝦伊麵都做緊特價，用既仲要係新鮮西澳龍蝦，每隻大概有1斤4兩，連埋伊麵份量都唔少，啖啖肉煮到剛剛好，依然保持彈牙鮮味，必試推介
🌟晚市組合: 金蒜銀絲蒸空運蟶子 拼 鮮菠蘿咕嚕肉 ($228/份)
如果想食小菜的話佢地都有晚市組合優惠，我地今日就叫左金蒜銀絲蒸蟶子，今日啲蟶子好新鮮，口感爽彈，菠蘿咕嚕肉份量都幾多，炸到脆卜卜，酸酸甜甜特別開胃
🌟XO醬碧翠炒蘭花蚌 ($98)
最後叫左個XO醬碧翠炒蘭花蚌，辣辣地都幾惹味
Post
