Video
Read full review
2021-06-21
101 views
網上見到呢間餐廳人氣好高，所以今日行經過荔枝角就入去試吓。我哋嗌左個慢煮羊架，一份有兩件，羊架好厚身，啖啖肉，而且食得出佢真係慢煮，因為羊肉好林，一啲都唔韌。另外我哋叫咗個冬蔭公汁大蝦意粉，呢個意粉係出奇地好食，冬陰功汁酸酸辣辣，嘢味之餘仲非常之開胃，大蝦爽口彈牙，食得出唔係急凍蝦仁，如果下次有機會再嚟一定會再叫呢個食！飲品方面，朋友就試咗呢度獨有嘅手工啤酒，揀咗一款比較淡味而且有果香嘅味道，入口充滿果香，一啲苦澀味都冇，值得一試！而令一杯嘢飲就叫咗蝶豆花檸檬梳打，杯野一上枱就覺得非常吸晴，味道都幾特別，不過就甜咗少少，我唔怕太甜嘅朋友絕對要試吓啦！餐廳環境都唔錯，闊落之餘，座位都唔少，咁啱喺附近行街嘅朋友不妨來一試！
我哋嗌左個慢煮羊架，一份有兩件，羊架好厚身，啖啖肉，而且食得出佢真係慢煮，因為羊肉好林，一啲都唔韌。
另外我哋叫咗個冬蔭公汁大蝦意粉，呢個意粉係出奇地好食，冬陰功汁酸酸辣辣，嘢味之餘仲非常之開胃，大蝦爽口彈牙，食得出唔係急凍蝦仁，如果下次有機會再嚟一定會再叫呢個食！
飲品方面，朋友就試咗呢度獨有嘅手工啤酒，揀咗一款比較淡味而且有果香嘅味道，入口充滿果香，一啲苦澀味都冇，值得一試！
而令一杯嘢飲就叫咗蝶豆花檸檬梳打，杯野一上枱就覺得非常吸晴，味道都幾特別，不過就甜咗少少，我唔怕太甜嘅朋友絕對要試吓啦！
餐廳環境都唔錯，闊落之餘，座位都唔少，咁啱喺附近行街嘅朋友不妨來一試！
Post
