Food Garden ETC (Closed)

餐廳環境大而寬敞，成間餐廳都係花花草草，田園風格好適合主打文青既D2 Place！基本上行完市集上一層，見餓就可以上去食餐飯，都好多選擇。我見餐廳都幾多人會提早book位，我walk in去到得番兩枱系没留座。下次應該都會提早book位至得！ ⦁法式蝸牛 $128一共六粒，每粒都放滿香草、香蒜同牛油mix既醬，濃濃既味道，蝸牛都幾爽口彈牙。唯一失望之處，就係本身expect係會配薯蓉，但黎到就冇薯蓉。 ⦁肉醬意粉 $148番茄味好重，味道偏甜。意粉麵質偏向彈牙，少少闊身，都可以掛滿醬汁。 ⦁牛油果蟹肉薄餅 $188果pizza係手工薄餅黎，口感有別於平時。牛油果醬淡淡地，芝士都有拉絲，蟹肉勁多，口感滿滿。整體味道偏淡，重口味人士就要注意啦‼️ ⦁香蕉班戟配朱古力雪糕 $78班戟入面既cream好有空氣感，感覺似奶泡多D，比起一般cream相對冇咁甜。香蕉系厚身切片，雪糕都幾大球，仲要係朱古力味。😋 ⦁鮮果冰茶 大大片西柚放左入杯內，酸味同茶味都唔會好重，淡淡的西柚味，有refresh既感覺。 ⦁蝶豆花檸檬真心覺得蝶豆花打卡好靚，甜度剛好，又有梳打汽泡，食完一餐飯，飲一飲好舒暢。