科記咖啡餐室

Open Now

Now Closed

一直以嚟都知道屋企附近有間叫做科記茶餐廳， 但係佢星期日唔開，星期一至五我又要返工， 星期六又成日排長龍， 一直以嚟都冇試過。 今日朝頭早十一點瞓醒， 懶懶閒閒唔想行咁遠， 就決定去科記試下佢嘅豬扒飯。去到門口， 一如以往有條人龍， 但排五分鐘左右就有位啦。 睇下個餐牌，其實係上環西環嚟講，呢間舊式茶餐廳都唔係特別平， 一個飯大約要五十零蚊仲要唔包嘢飲。我同家人叫咗一個豬扒飯餐包嘢飲， 同埋時菜牛肉麵。 嚟到之後，試咗一啖豬扒， 第一啖都覺得幾香口，但係食落覺得有啲鹹，食完好口渴。時菜牛肉麵其實都係一碗普通嘅茶餐廳麵，冇乜特別。 其實我覺得值得排隊食嘢係佢嘅人情味， 因為荷李活道一帶嘅舊式茶餐廳買少見少。最後總數係94蚊， 我哋兩個人去， 嗌咗一個飯，一個麵連一杯嘢飲。 環境唔容許你坐好耐， 因為一直都有人排隊。 如果下次想食茶餐廳， 我諗我都係會去返中上環其他老字號茶餐廳， 例如瑞X咖啡室，海X咖啡室 同 孖X 茶餐廳。