花丸軒

Open Now

Now Closed

今日同朋友去開中環，話想食拉麵佢就同我講，近期開咗間過江龍喺荷李活道所以二話不說我哋就去試一試剛好係過咗打工仔午飯時間，所以唔使等位就可以入座我哋分別試咗$148招牌原條慢煮豬軟骨拉麵配糖心蛋同埋$128幸福拉麵二重奏配糖心蛋(即係半舊豬軟骨加叉燒)其實佢有辣嘅湯底，分咗大中小辣不過我哋唔係好食得辣，所以兩個都係叫返原味。而且見佢有小食，我哋加多個天婦羅紫菜魷魚鬚($52)由於今日我哋坐Bar枱嘅關係，所以可以直接見到廚師成個主理過程。一整好就即刻可以上枱食。拉麵軟硬度適中，而豬軟骨都真係炆得好腍，我更加喜歡佢嘅糖心蛋，好有醬油味。天婦羅紫菜魷魚鬚，好脆口，非常適合送酒。