Ocio オシオ (Closed)

對上一次去Ocio原來已經係幾年前去旺角煙廠街，岩岩睇返原來已結業🥺好在仲有鑽石山同將軍澳分店😌今晚黎左荷里活廣場呢間Ocio，環境光猛又夠寬敞，感覺非常舒適。同朋友兩個人叫左一個set dinner+一個小食+甜品。珍寶帶子海鮮喇沙燴飯 $148（連餐湯及$33以下飲品）調味做得岩岩好，唔好過咸搶左海鮮嘅味。海鮮配料好新鮮，帶子鮮甜肉厚，特別鍾意佢入面嘅魷魚，煮得剛剛好鮮味十足，唔會overcooked，唔會咬極都未吞到！跟餐我地叫左迷李芝士流心蛋燒南瓜焗煱伴脆皮單骨雞翼 $108幾特別嘅一道菜！將一個mini南瓜入面放左隻流心蛋，鋪上芝士再焗，再將雞翼點埋啲流心蛋食，成件事幾夾！食到最後，仲可以食埋啲南瓜肉😂飽哂🫣甜品叫左朱古力心太軟$72，正正常常，無咩特別。