莆田 (美麗華廣場2期) (Closed)

新年跟家人食飯，再坐得舒服又食得到有質素的，莆田的確是一個不錯的選擇。地點係美麗華商場，十分方便。不過當晚食客都好多，建議要預訂枱。點菜後，侍應先送上2碟小食。鴻運發財撈起撈起係新年必食的好意頭的食品，而莆田這個鴻運發財撈起由賣相到味道，都好吸引。鴻運發財撈起很大份，師傅很有心思地將多於10種的瓜菜切成幼絲，材料十分豐富。白蘿蔔﹑青紅蘿蔔﹑糖冬瓜﹑柚子等接近20種的瓜菜﹑莆田的炸紫菜，再加上海蜇絲和煙三文魚片，一共分3層。侍應會幫食客加入各種食材，然後一邊說好意頭的吉利說話，再幫我地一齊撈起。椒鹽豬手炸到外層乾脆，望落同食落都唔會覺得油膩。因為外層以椒鹽炸過，所以十分惹味，唔會太鹹。咬落外皮好香脆，而裡面的肉和筋都好軟稔。特別是筋的部份，做得一點都唔韌，唔會話好難先咬得開。食落啖啖骨膠原口感。媽祖麵線食過莆田的米粉之後，十分喜愛，這次點的是媽祖麵線。原來媽祖麵線亦叫做長壽麵，又是好意頭的食品。因為以傳統方式人手作，所以質地特別柔潤，而且麵條做到好幼細，令食的時間口感更佳。配料都好豐富，有蛋絲﹑炸紫菜﹑花生﹑蝦和肉片等，雖然望上去好像沒有什麼調味，顏色好淡似的，不過食落味道都好豐富。要記