Video
Read full review
2023-03-16
327 views
莆田 Putien📍元朗元龍街9號形點一期2樓2040號舖前排喺yoho買咗兩對鞋，於是呢日放工同朋友去拎之餘，仲決定一齊食埋飯先走。我哋由二期行到一期搵食，見到好耐無食過嘅莆田做緊優惠，好似好抵食，於是坐低食咗佢海蠣節嘅特色小菜。 💰$209/2道福建海蠣煎 🦪趁海蠣節優惠，我哋叫咗莆田10醉之一嘅福建海蠣煎。我最鍾意佢嘅蛋唔會煎到過老，每件都會食到滿滿海蠣，而且一啲腥味都無，又唔會似炸蠔餅咁油膩，淨食當小食或送飯都一流！記得點埋個有蝦辣椒醬嚟食呀，店員力推，果然好味！海蠣煮泗粉 🦪🍜朋友鍾意食粉麵，所以我哋揀咗呢道海蠣煮泗粉嚟食。泗粉嘅口感介乎於米線同紅薯粉嘅中間，比較軟身索湯，但食落仍有咬口，好特別！海蠣嘅量亦無需多講，睇圖都見到鋪滿晒個窩。佢嘅湯汁色水好深，望落似偏鹹，但原來飲落一啲都唔鹹之餘，仲有絲絲海鮮嘅鮮甜味，非常有驚喜。另外，佢嘅香菇味都好出，成窩泗粉都好有福建菜嘅特色。 💰$98芋香鴨 🦆睇餐牌時，我被芋香鴨張相吸引住，即刻就話要點呢款小菜嚟食！佢嘅皮炸得好脆，裏面嘅鴨絲好香鴨味，一啲都唔嚡；芋泥無顆粒感，好幼滑，係一道心機功夫菜。 💰$118/例牌鐵鍋包菜飯 🥬🍚鍾
📍元朗元龍街9號形點一期2樓2040號舖
前排喺yoho買咗兩對鞋，於是呢日放工同朋友去拎之餘，仲決定一齊食埋飯先走。我哋由二期行到一期搵食，見到好耐無食過嘅莆田做緊優惠，好似好抵食，於是坐低食咗佢海蠣節嘅特色小菜。
[價錢 Price]
💰$209/2道
福建海蠣煎 🦪
趁海蠣節優惠，我哋叫咗莆田10醉之一嘅福建海蠣煎。我最鍾意佢嘅蛋唔會煎到過老，每件都會食到滿滿海蠣，而且一啲腥味都無，又唔會似炸蠔餅咁油膩，淨食當小食或送飯都一流！
記得點埋個有蝦辣椒醬嚟食呀，店員力推，果然好味！
海蠣煮泗粉 🦪🍜
朋友鍾意食粉麵，所以我哋揀咗呢道海蠣煮泗粉嚟食。泗粉嘅口感介乎於米線同紅薯粉嘅中間，比較軟身索湯，但食落仍有咬口，好特別！海蠣嘅量亦無需多講，睇圖都見到鋪滿晒個窩。佢嘅湯汁色水好深，望落似偏鹹，但原來飲落一啲都唔鹹之餘，仲有絲絲海鮮嘅鮮甜味，非常有驚喜。另外，佢嘅香菇味都好出，成窩泗粉都好有福建菜嘅特色。
[價錢 Price]
💰$98
芋香鴨 🦆
睇餐牌時，我被芋香鴨張相吸引住，即刻就話要點呢款小菜嚟食！佢嘅皮炸得好脆，裏面嘅鴨絲好香鴨味，一啲都唔嚡；芋泥無顆粒感，好幼滑，係一道心機功夫菜。
[價錢 Price]
💰$118/例牌
鐵鍋包菜飯 🥬🍚
鍾意食飯多啲嘅我就揀咗鐵鍋包菜飯做主食，佢上檯嘅時候係連埋個壓力鍋一齊上，而開蓋後，店員幫我哋加入蔥花、花生、蝦米、蟶乾、乾貝之類攪拌，立即聞到陣陣香氣！例牌嘅飯量夠2-3人食，好抵食！飯底有一大片荷葉墊底，所以個飯有有淡淡嘅荷葉香。
整體嚟講，個燜飯鹹味適中，香菇同乾貨嘅味好提鮮，加入滷肉令個飯唔會太寡，而包菜唔會老晒，料足入味，十分推介！
[價錢 Price]
💰$38/片 (2片起售)
黃金荷葉包 🍔
呢個黃金荷葉包無論賣相定味道都一絕，佢係炸饅頭同肉夾膜嘅合體，估唔到唔點煉奶食嘅炸饅頭都可以咁好食！而且包嘅過程好好玩，戴住手套用刀切開個包，再夾入肉絲、洋蔥同生菜，加埋香口嘅芝麻，彷彿食緊一個中式漢堡包咁！
[價錢 Price]
💰$58
酥炸冰心榴槤 🍨
食到最後，經理同我哋推介佢哋嘅甜品，因為食到好飽，所以我哋只係點咗一份酥炸冰心榴槤食。佢嘅造型好有心思，切開酥炸嘅外皮，裏面係一個凍冰冰嘅榴槤雪糕，外熱內冷，冰火二重嘅感覺真係好正！
Post
