8cm Coffee (Closed)

陪朋友去左元朗放狗，經過哩間西餐廳，朋友熟悉地將狗狗綁好，便叫店員預備兩份晚餐，哩度環境都幾乾淨又安靜，係露天坐位坐一邊食一邊可以嘆住迎面而來的自然微風，好舒服。頭盤：火龍果配黑醋沙律，蔬菜新鮮加埋麵包粒係當中，爽脆有口感。湯：香草忌廉南瓜湯，用咖啡杯裝住，感覺有點法式，忌廉湯非常結身，畢起黎仲見到南瓜肉，廚師放埋麵包粒落去令到飲既時候更有口感。主菜1：香煎盲鰽魚配芒果莎莎，盲鰽魚煎得好香，魚下面放左鮮肉茄和BB露筍，完全吸收哂盲鰽魚所流出黎既魚油味道，所以食落充滿魚味，朋友不斷贊嘆美味，盲鰽魚肉質嫩滑，配埋用彩椒和芒果醬特別製成的芒果莎莎食，更加美味。主菜2：意式蒜片辣椒欖油虎被扁意粉，兩隻虎蝦佔據整個碟面，好大隻，食落肉質彈牙，扁意粉煮得口感剛剛好，唔會太琳或太硬，意粉吸收哂辣椒既辣味，所以食落都幾夠辣。配埋杯英式紅茶，為今晚晚餐劃上句號。補充一點，好多時食西餐最怕食完返到屋企會好口渴，要飲大量既水先制止到，但哩間餐廳完無哩個情況。