Video
Read full review
2021-05-02
672 views
早排燒賣隨住社交平台燒賣關注組嘅掘起而再次喺香港捲起一陣熱潮，當中被大力推介嘅又點少得呢間位於大埔嘅老虎岩。對老一輩嘅人嚟講，老虎岩呢個名字應該絕對唔陌生，因為佢正正就係現今樂富嘅前稱。而呢間野之所以叫做老虎岩，就係因為老闆想承接父親喺老虎岩徙置區嘅舊麵舖，所以呢個招牌可以話係好有歷史。值得一提嘅係呢間店舖宜家係六點後無堂食，所以仍然維持兩人一枱規例。入到去每張枱上面都會有個QR Code，掃一掃就可以係網上落單，但有樣唔好嘅係load個網站嘅時間會有啲耐，所以你可以選擇打佢個電話落單。今日嚟之前已經食咗個早餐，所以唔係叫咗好多野。雖然係咁，等上菜嘅時間都有啲長，各位可能就要俾啲耐性喇。自創黑松露雲吞 ($37)餐牌上面呢個黑松露雲吞寫住係限量供應，好好彩今日有幸食到。一碗共有六粒，對唔係好肚餓嘅我哋嚟講，一人三粒就啱啱好。每粒雖然唔係好大，但一啖就可以食到濃濃嘅黑松露味，配合埋灑喺上面嘅蝦子成個口感好豐富。可能由於係人手包嘅關係，有幾粒咬落去有唔實淨嘅感覺，水準一致性方面有待改善。竉茜燒賣 ($14)呢度嘅馳名燒賣有蒸有炸，亦有普通味同芫茜味任君選擇。我同同行朋友雖然都怕肥，但一場嚟
值得一提嘅係呢間店舖宜家係六點後無堂食，所以仍然維持兩人一枱規例。入到去每張枱上面都會有個QR Code，掃一掃就可以係網上落單，但有樣唔好嘅係load個網站嘅時間會有啲耐，所以你可以選擇打佢個電話落單。今日嚟之前已經食咗個早餐，所以唔係叫咗好多野。雖然係咁，等上菜嘅時間都有啲長，各位可能就要俾啲耐性喇。
自創黑松露雲吞 ($37)
餐牌上面呢個黑松露雲吞寫住係限量供應，好好彩今日有幸食到。一碗共有六粒，對唔係好肚餓嘅我哋嚟講，一人三粒就啱啱好。每粒雖然唔係好大，但一啖就可以食到濃濃嘅黑松露味，配合埋灑喺上面嘅蝦子成個口感好豐富。可能由於係人手包嘅關係，有幾粒咬落去有唔實淨嘅感覺，水準一致性方面有待改善。
竉茜燒賣 ($14)
呢度嘅馳名燒賣有蒸有炸，亦有普通味同芫茜味任君選擇。我同同行朋友雖然都怕肥，但一場嚟到無理由唔一人一客嘅。一客有四粒，加上每粒都好大粒，所以對我哋女仔嚟講其實已經好夠飽。呢個燒賣比平常出眾嘅地方在於肉味夠肉質亦夠好，食落去有好滿足嘅感覺。但可能因為事前期望實在太高，個人覺得佢芫茜味唔突出，試唔出芫茜同燒賣究竟係咪真係咁夾。同埋燒賣皮比較多油，容易令人有食膩嘅感覺。燒賣整體嚟講雖然達唔到令人嘩一聲嘅程度，但依然值得一試，如果芫茜可以更加入味，相信會更上一層樓。
雖然真實水準同原本期望有少少落差，但如果你未試過又途經附近嘅，仍然可以嚟試下，順便支持下小店吖嘛！
店舖其實仲有啲生料例如燒賣同埋丸類可以買，好適合大家夜晚煮飯加餸或者屋企打邊爐用㗎。價錢方面，用呢區嘅物價嚟講會有少少貴，但如果你好似我咁只係嚟食少少嘢就還算可接受。
自創黑松露雲吞
$37
29 views
0 likes
0 comments
竉茜燒賣 (四粒)
$14
33 views
0 likes
0 comments
Post
