Video
Read full review
2021-07-05
885 views
之前已經有諗過要嚟挑戰鬼金棒，今次終於有機會同條佬一齊去挑戰🌶🙌🏻門面最引人注目嘅地方就係鬼金棒個金色招牌，遠遠就望到！👀 門口仲掛住個巨型鬼金棒裝飾，見到鬼金棒就知呢間店係以日本鬼怪做主題啦～ 畢竟鬼金棒係日本鬼怪常見嘅武器💁🏻♀️入到去餐廳，被告知冷氣壞咗…都照食啦🤣 右邊係吧枱位同廚房，客人可以透過玻璃望到入廚房，觀賞師傅製作拉麵過程🍜 店內掛咗好多日本赤鬼同青鬼等鬼怪面具，配合室內紅色燈光，再播埋太鼓節奏嘅音樂都幾有詭異氣氛👹 佢哋之所以用赤鬼同青鬼做主題其實係有意思，赤鬼係代表辣、青鬼代表麻🔥 正正就切合佢哋獨有嘅辣麻拉麵！湯底嘅辣度同麻度有分5個程度，可以根據自己接受程度嚟選擇😏 最高級別係鬼增級👺 使用嘅辣椒係用健力士世界紀錄大全嘅最辣嘅辣椒…老實講我真係唔敢試，下次有機會先再試🏃🏻♀️💨拉麵款式有八款，仲有三款飯可以揀。呢度係scan QR code落單，幾方便，界面唔算好複雜🤓 另外我見到餐廳準備咗紙圍裙俾客人，都幾貼心😎❤️ 增量叉燒辣麻味噌拉麵 $115 (+$15味玉)條佬怕食辣，穩陣起見叫咗走辣小麻🤭 湯底係用咗日本鬼金棒直送嘅味噌湯底，味道温和，唔會過鹹😙 麵
門面最引人注目嘅地方就係鬼金棒個金色招牌，遠遠就望到！👀 門口仲掛住個巨型鬼金棒裝飾，見到鬼金棒就知呢間店係以日本鬼怪做主題啦～ 畢竟鬼金棒係日本鬼怪常見嘅武器💁🏻♀️
入到去餐廳，被告知冷氣壞咗…都照食啦🤣 右邊係吧枱位同廚房，客人可以透過玻璃望到入廚房，觀賞師傅製作拉麵過程🍜
店內掛咗好多日本赤鬼同青鬼等鬼怪面具，配合室內紅色燈光，再播埋太鼓節奏嘅音樂都幾有詭異氣氛👹 佢哋之所以用赤鬼同青鬼做主題其實係有意思，赤鬼係代表辣、青鬼代表麻🔥 正正就切合佢哋獨有嘅辣麻拉麵！湯底嘅辣度同麻度有分5個程度，可以根據自己接受程度嚟選擇😏 最高級別係鬼增級👺 使用嘅辣椒係用健力士世界紀錄大全嘅最辣嘅辣椒…老實講我真係唔敢試，下次有機會先再試🏃🏻♀️💨
拉麵款式有八款，仲有三款飯可以揀。呢度係scan QR code落單，幾方便，界面唔算好複雜🤓 另外我見到餐廳準備咗紙圍裙俾客人，都幾貼心😎
❤️ 增量叉燒辣麻味噌拉麵 $115 (+$15味玉)
條佬怕食辣，穩陣起見叫咗走辣小麻🤭 湯底係用咗日本鬼金棒直送嘅味噌湯底，味道温和，唔會過鹹😙 麵質粗身爽彈，有韌度，分量都幾多，條佬表示食完勁飽😂
增量叉燒都幾大條，成條厚切五花腩奉上😛 比普通size大兩倍，滷得幾入味，食到醬汁嘅香甜味，肥瘦勻稱，肉質柔腍鬆化😚
仲有…唔可以錯過佢哋嘅味玉！真係必叫！流心程度啱啱好，呈完美橙紅色，滷得幾入味🥚 ❤️ 莞荽辣麻味噌拉麵 $110 (+$15味玉)
拉麵上佈滿莞荽，好有視覺上嘅衝擊‼️ 湯底同樣味噌湯底，加上莞荽反而多咗層次感。我叫咗中辣中麻，麻辣味都幾強烈😝 我見啲人話中辣中麻係無咩料到，我覺得對於唔太食得辣嘅人嚟講都幾辣，大概係坊間5小辣嘅程度🧐 去到後期我已經係咁流汗💦 開始分唔到係熱到流汗定辣到流汗hahahaha🤣 呢個時候食玉米筍就啱啱好，少少解辣😄 細看之下其實玉米筍形狀有少少似鬼金棒，唔知係咪心思位呢😜
餐廳推薦度；⭐️⭐️⭐️⭐️ (4/5)
特別推介莞荽辣麻味噌拉麵👀 莞荽控唔可以錯過👏🏻 食得辣嘅朋友可以挑戰吓大辣大麻🤣
Post
