米線陣 (Closed)

之前已經有試過米線陣既玩命麻辣米線, 今次自己一條友等朋友, 唔想食咁辣, 就試下新口味。我今次叫左個自選既小辣雞翼米線, 米線配料有芽菜, 韮菜, 腐皮等, 湯既味道幾好幾清, 而且都麻辣味都幾香, 而雞翼亦相當入味, 有濃郁既瑞士汁味, 配上麻辣湯底, 亦可起到輕微解辣既作用。 另外想食下菜, 見到餐牌上有個叫「菇菌派對」, 貪新鮮既我當然叫左黎試一試喇! 果然不失所望, 外型特別, 賣相亦相當吸引, 第一種菇有少少辣, 加上有芹菜, 紅椒等點綴, 咬落啲菇菌十分爽脆, 口感獨特。 而中間個碟就係芝麻拌木耳, 加以wasabi既味道, 口感十分清新, 木耳又係爽爽地, 再加上一粒粒芝麻, 咬落感覺好新鮮, 好清涼! 最後白色個碟就係雞脾菇, 微咸帶少少辣味, 咬落亦十分juicy唔會有唔入味既情況出現, 係好出色既拌菜! 食落好fresh 好想一食再食鍾意菇, 菌類或者素食既你地點可以唔試「菇菌派對」! 嗌黎送下個米線, 簡直係一級既享受! 另外, 將軍澳呢間既員工態度亦十分友善, 裝潢都OK, 燈光略嫌有少少暗! 但整體十分不錯喔!