譚仔雲南米線 (Closed)

今日早放工，去咗譚仔食個late lunch。譚仔算係數一數二空間闊落嘅米線舖，坐得舒服，環境又光猛。我叫咗重慶酸辣米線，小辣，加竹笙。因為想健康啲，又想減肥，所以加$3轉咗芽菜底。我好鍾意轉菜底哩個idea，可以過口癮之如又可以比較健康，正！譚仔質素一向穩定，佢哋嘅湯底或米線唔算特別好食，湯底略嫌欠層次，亦可以話係比較清嘅，但一個月裡面總有一兩日想食吓。我每次嚟都只會叫重慶酸辣，味道相對較濃郁同惹味，加上竹笙哩個配料，吸收晒湯底裡面嘅精華（同脂肪），大滿足！雖然食完只有8成飽，不過，咁咪仲健康💪🏽，不是嗎？