Video
Read full review
2021-10-28
2073 views
好多時我都中意玩吓煮飯仔，突然間想記一D菜式就買材料煮，煮完後充滿滿足感！今次心血來潮想煮豆腐火腩，行咗三間燒味店居然搵唔到靚燒肉，連蔥都買唔到！女友熊熊 whatsapp 問 "今晚食咩呀？"熊出沒注意！"今晚唔煮飯呀！出街食啦！"連蔥都買唔到，著火中....."咁去邊間呀？""....... 葉記大排檔啦"腦海突然間閃出葉記，我相信自己嘅第六感，就冲口而出講去葉記.點咗椒鹽豆腐粒，炸豬大腸，見到隔離枱啱啱有胡椒豬肚浸大花甲上枱，大大份夠台型，於是點咗一客.正確嚟講，應該叫新葉記，連menu都轉埋，相信應該轉手鳥.椒鹽豆腐比其他餐廳更大粒，外表超脆豆腐軟滑，滿意.炸豬大腸份量比隔離楚撚記多，雖然味道係楚撚記好D,但我情願抵食夾大件.我唔太中意食豬肚，所以一件都無食，唔知道味道，湯底充滿胡椒味，飲兩啖成身滾哂.花甲名符其實，每隻都大大隻，但唔係殼大肉細，我就人到花甲命酸，枱上嘅花甲肉嫩，唉.... 對比強烈！轉咗名叫新葉記，菜式同服務都比以前更好，支持！
今次心血來潮想煮豆腐火腩，行咗三間燒味店居然搵唔到靚燒肉，連蔥都買唔到！
女友熊熊 whatsapp 問 "今晚食咩呀？"
熊出沒注意！
"今晚唔煮飯呀！出街食啦！"
連蔥都買唔到，著火中.....
"咁去邊間呀？"
"....... 葉記大排檔啦"
腦海突然間閃出葉記，我相信自己嘅第六感，就冲口而出講去葉記.
點咗椒鹽豆腐粒，炸豬大腸，見到隔離枱啱啱有胡椒豬肚浸大花甲上枱，大大份夠台型，於是點咗一客.
正確嚟講，應該叫新葉記，連menu都轉埋，相信應該轉手鳥.
椒鹽豆腐比其他餐廳更大粒，外表超脆豆腐軟滑，滿意.
炸豬大腸份量比隔離楚撚記多，雖然味道係楚撚記好D,但我情願抵食夾大件.
我唔太中意食豬肚，所以一件都無食，唔知道味道，湯底充滿胡椒味，飲兩啖成身滾哂.
花甲名符其實，每隻都大大隻，但唔係殼大肉細，我就人到花甲命酸，枱上嘅花甲肉嫩，唉.... 對比強烈！
轉咗名叫新葉記，菜式同服務都比以前更好，支持！
椒鹽豆腐粒
51 views
0 likes
0 comments
脆炸大腸
53 views
0 likes
0 comments
鹹菜胡椒豬肚浸大花甲
78 views
0 likes
0 comments
Post
