Bun Cha Vietnamese (滿發大廈)

Open Now

Now Closed

蘇豪鴨巴甸街o既「Bun Cha Vietnamese」係本年度肥肥家族最喜愛的越南餐廳，因家庭式作業o既小店很是溫馨，不含味精o既食物貨真價實，唯一最唔理想o既就係其不甚方便o既地點，搭車要兜個大圈先到門口，行上條斜路又比較吃力。感恩節前夕，從面書網頁上得知餐廳剛於堅尼地城開設分店，小肥二話不說即約同父母週日前往K Town食晏。「Bun Cha」新店附近除咗有地鐵站、巴士站、小巴站同電車站，對面馬路仲有多個兩小時o既咪錶位，自駕人士有福囉！其門面同母店一樣都係油上粉綠色，好易認得出。為怕遲食要等位，三口子夾啱開門時間準十二點到步，餐廳亦已準備就緒。正門有個輪椅可自由進出o既通道，感覺寬敞又安全。直入左手邊為水吧，廚房唔再係開放式，故店內亦冇乜油煙味。分店面積佔用兩個舖位，明顯比蘇豪店闊落，合併式散座都舒適得多。室內牆身全為白色，其中右方凹凸不平o既白色磚牆似乎最為突出，天花吊出不同顏色o既燈籠，中間o既柱身掛出彩色o既油畫，設計簡單溫和。水吧枱上擺出多張「Bun Cha」o既咭片，後面襯托o既花瓶及旁邊一列越南女子小擺設彷彿正道出餐店為越南餐館也。估計母子二店o既餐飲都會係差唔多，