euro go go

Open Now

Now Closed

呢排凍凍地真係好懶，每次都唔想從被竇走出嚟，唔想面對呢個殘酷既世界，返工真係巧辛苦呀呀呀所以食個靚早餐，開始一個good morning 真係好緊要，好想好好地坐低食早餐，無奈早餐時間實在太多人了，只能買返公司食。講返個早餐啦，其實餐牌有炒蛋、牛角包、蕃茄通粉等等，但呢排冬天打得邊爐多，早餐清清地，對腸胃無咁大既負擔。所以揀咗食呢個農夫彼得包，貪佢多菜無肉，清新易消化。等咗成十分鐘先有得拎走，原因係即叫即整，店員會烘好個彼得包先，再加上唔同蔬菜同埋沙律醋汁，再放入錫紙盤入面，就算拎到返公司都仍然暖暖地。彼得包亦算軟熟，同埋都幾索沙律汁，襯埋一齊都幾夾。菜方面都好新鮮，有羅馬生菜、青瓜、蕃茄、洋蔥，配埋沙律醋汁酸酸甜甜，非常清新醒神，同埋菜既份量都幾多，多到會從包入面漏咁啲出嚟，好彩店員有提供餐具，可以當食沙律咁。咖啡方面就不過不失啦，連鎖既質素，唔會話有好大驚喜。