爺爺雞煲皇 (Moved) New Location

人地阿姐一定要食雞煲，旺角果兩間最近差評勁多所以唔想去住，新蒲崗出名多食店，又平又好味仲好有人情味，上網睇到呢間幾多好評，於是book左四位七點。開始阿姐話收五點，照計七點入席應該冇問題，跟著又話收六點，好羅，改七點半。又幾好，一改就ok。跟著又話加多兩個人，好，又改六位，都冇問題…，我都有點唔好意思，驚店家話我煩。但系一切都十分OK。七點半準時到， 一去到未講野老細已經問系咪book左六位。我望入店，已經坐滿，以為要等，怎知巨帶左我地去隔離，都好，至緊要有得食唔使等。啲fd好囉嗦又麻煩，話要辣又驚另一個食唔到，店員聽錯走辣，跟著又拉拉霖叫人地小辣。我坐響度一額汗，勁抱歉。但系店員全程勁nice，這讓我安心不少。雞煲到，真的唔辣，好鹹。各種配菜中規中矩，青菜幹淨新鮮，響鈴即炸，脆鯇香鮮…如果冇咁鹹就好了。有一樣不得不提，巨自家做的菜脯皇真的香口嘢味，菜炒菜撈面都正正，唔食雞煲都可以去買支返來試下。