魂 (Closed)

豬骨湯底食多咗，如果想轉吓口味，呢間魂拉麵嘅墨魚汁同只有晚市六點後先至供應嘅菠菜汁豬骨湯底就真係要試一試。一嚟唔會好油，冇味精好健康，食完麵飲晒成碗湯一啲都唔口渴。麵嘅軟硬度可以自己選擇仲可以揀多葱添！老闆話個豬骨湯底每日用咗好多個鐘頭去煮，門口仲有個video添。個黑魂配合左鳴門卷蟹膏蟹肉同埋叉燒，湯底有豬骨嘅濃同海鮮（墨魚汁）嘅鮮味。佢個日本梅雪碧，酸酸地少少咸配合雪碧好飲過鹹檸七！個炸雞配合酸甜醬唔會膩，咬落仲有肉汁添！菠菜味都夠香，鮮味十足！炸雞塊都夠晒juicy!整體上表現不俗！