無極冰廳 (美暉大廈) (Closed)

唔知大家有冇發覺最近開咗好多新嘅食店及茶餐廳, 仲要係有別於舊式茶餐廳, 餐廳非常光鮮, 乾淨企理, 無極冰廳都係近期灣仔新開嘅茶餐廳, 俾佢哋嘅菠蘿包代替餐包/多士所吸引, 入嚟食個早餐先 。大家細心睇牆上的字, 你會發現其實句句都係有意思的, eg Never forget your hopes and dreams。大路早餐、午餐、茶餐及晚餐茶餐廳食品, 亦有新餐牌, 例如日式蒲燒鰻魚滑蛋飯。歐陸扒餐 ($48/包熱飲)感覺很不錯, 有大大件牛扒、北海道3.6牛奶炒滑蛋、腸仔、菠蘿包及茄汁焗豆。牛扒有厚度, 唔乾唔韌, 以$48 早餐來說很不錯, 畀大型快餐店的件頭及食味好好多, 牛扒淋上蒜汁, 蒜汁唔係淨係得個鹹字, 似係燒汁加鰻魚汁的鹹香及香甜及, 滑蛋不過火, 炒很嫩滑, 菠蘿包跟餐上, 上枱還是暖暖的, 菠蘿包皮鬆化, 裏面卻是很鬆軟的奶茶 (跟餐)茶色金黃, 茶奶比例適中, 入口夠茶味又順滑, 早餐提神不能少。