金泰子泰國餐廳 (Moved) New Location

今日四圍搵位泊車食晏，就到太子柏樹街附近見到一個偷雞位，一落車就入左間泰式菜館，我見到餐牌上嘅飯唔係好貴，大眾化價格。我叫左個菠蘿炒飯加泰國咖啡。我初時都想，45元套餐，應該是一般茶餐廳嘅飯。當我個飯來到時，到忍不住影張相先，有擺設，香味，賣相都唔錯。食落重有菠蘿味。粒粒飯都有口感。泰國咖啡香濃夠滑。跟住個女仔問我飲唔飲湯，佢話冇加味精，今朝煲，好好飲。咁我就試吓。果然有住家湯嘅味道。下次我都會去再試。