Terrace in seaside (屯門市廣場1期)

Open Now

Now Closed

9月天氣仲係好熱，想食啲清爽嘅嘢，生果係一個好好嘅選擇，搵到一間近期以菠蘿做主題嘅餐廳，一於去試下😎餐廳是間新式嘅韓式cafe，有不少打卡位，好似去左渡假咁，用上木系嘅傢俬，開放式設計非常明亮，適合小清新嘅大家。1️⃣ 蟹籽雞蛋蘋果沙律 $68賣相不錯，味道清新，夾雜左蘋果🍎蟹籽同雞蛋🥚不過薯仔比例比較多，所以比較飽肚。2️⃣ 仲夏清甜菠蘿忌廉三文治 $68第一次食咁多生果嘅三文治🍞，麵包非常軟熟，忌廉幼滑綿密，菠蘿🍍金黃多汁，可惜有少少熟過頭，不過依然清新，充滿仲夏滋味，係一個好好嘅輕食選擇。3️⃣ 燒醬油黑毛豬白切肉飯 $128黑毛豬🐗白切肉頗厚身，肥瘦均勻，食落一啲都唔肥膩，表面微微焦香，而個飯用泡菜炒過，粒粒分明，好香口又惹味😋4️⃣ 夏至菠蘿忌廉窩夫 $98窩夫🧇份量十足，厚身但酥脆鬆化，上面鋪滿不少鮮忌廉，單吃有淡淡的蛋香，加上新鮮菠蘿🍍同菠蘿果醬，令人不禁食到一啖接著一啖。5️⃣ 柑橘乳酪 $68非常吸精👀係餐廳嘅招牌飲品，飲到柑橘🍊果肉，充滿果香，加埋乳酪，味道非常清新。6️⃣ 熱情金菠蘿沙冰 $68夏天飲沙冰真係好消暑，整個菠蘿🍍放喺杯上面，啱哂打卡，加上菠蘿的果肉好清甜，解膩一流。