Video
Read full review
2021-05-04
410 views
幾年前中環海濱food and beverage festival果陣已經想試食呢個澳洲出晒名既草莓西瓜蛋糕，排隊排左成半個鐘，點知仲有幾個就到我既時侯，店舖負責人突然話賣晒，真係超失望，果日仲要係美食展既last day，結果同呢個西瓜蛋糕無緣。今日行經ifc，見到LIFETASTIC緊係要買返件試下先啦，就買左個set，一件草莓西瓜蛋糕，一件菠蘿芝士蛋糕，仲提供左乾冰保持蛋糕夠凍夠新鮮。一打開個盒，嘩，2件蛋糕顏色都好sharp好靚呀，未食已經開心左先。LIFETASTIC 招牌草莓西瓜蛋糕西瓜蛋糕面層係士多啤利同酒味既啫喱，仲有些果仁碎，下層係西瓜同忌廉海棉蛋糕，第一啖咬落去，味道好特別，同平時食既蛋糕好唔同，有西瓜既清甜，士多啤利都一樣好甜，啫喱仲有淡淡既酒味，果仁碎又可增加口感，整體感覺以清甜為主，味道都不錯。超正既菠蘿芝士蛋糕而菠蘿芝士蛋糕就真係好驚喜，好岩我口味。首先賣相已經好靚，面層既菠蘿乾唔單止唔乾，口感仲有少少濕潤，就好似盛開既花朵咁，又睇得又食得，下面係厚厚既芝士蛋糕，又滑又軟又creamy，岩晒我呢個芝士怪，蛋糕整體口感係酸酸甜甜咁，真係好好食，下次要encor
今日行經ifc，見到LIFETASTIC緊係要買返件試下先啦，就買左個set，一件草莓西瓜蛋糕，一件菠蘿芝士蛋糕，仲提供左乾冰保持蛋糕夠凍夠新鮮。一打開個盒，嘩，2件蛋糕顏色都好sharp好靚呀，未食已經開心左先。
LIFETASTIC 招牌草莓西瓜蛋糕
西瓜蛋糕面層係士多啤利同酒味既啫喱，仲有些果仁碎，下層係西瓜同忌廉海棉蛋糕，第一啖咬落去，味道好特別，同平時食既蛋糕好唔同，有西瓜既清甜，士多啤利都一樣好甜，啫喱仲有淡淡既酒味，果仁碎又可增加口感，整體感覺以清甜為主，味道都不錯。
超正既菠蘿芝士蛋糕
而菠蘿芝士蛋糕就真係好驚喜，好岩我口味。首先賣相已經好靚，面層既菠蘿乾唔單止唔乾，口感仲有少少濕潤，就好似盛開既花朵咁，又睇得又食得，下面係厚厚既芝士蛋糕，又滑又軟又creamy，岩晒我呢個芝士怪，蛋糕整體口感係酸酸甜甜咁，真係好好食，下次要encore。
Post
