CHIMAC (德福廣場2期) (Closed)

黎到德福食午餐，Foodeli雖然唔係間間有開，都總算各國料理都有得揀。菠蘿莎莎醬炸雞 ＄58除左正餐之外，仲係CHIMAC散叫一份炸雞做小食，揀左小朋友最鍾意嘅菠蘿。要細份炸雞腿肉，細份有八件，價錢都合理，小食多滋味。炸雞都炸得好脆，勝在唔太油膩，仲保留到啲肉汁。加埋菠蘿莎莎汁酸酸甜甜仲更加開胃。另外有兩大片新鮮菠蘿相當甜，好多汁，正好解膩。不錯。炸雞下面仲有一堆薯條，薯條都係新鮮熱辣，幼身的，落少少茄汁就係小朋友最愛。