Victorian Rose Tea Room (Closed)

悠閒嘅週末約左姊妹一齊high個tea～今次去位於尖沙咀山林道新開啲tea room，裝潢十分別緻，好多打卡位，主調用上白色，再有啲畫作點綴，外有露台可吹吹風，仲有一片草牆帶點綠化氣息！坐底無耐就落左tea set for 2，飲品可以任擇一款，可以揀啲特別啲或者佢嘅signature～好似呢個玫瑰朱古力，超濃郁朱古力味但又唔會過甜，仲帶點玫瑰花香！個tea set一到第一個反應係份量好大，如果真係當tea食一定會食唔晒，好彩今次同姊妹都未食lunch，咁都handle到嘅！先食咸點，本身對漢堡嘅印象係覺得麻麻地，加上望落以為好乾，但點知影左一輪相仲帶微暖，包仍係外脆嘅，加上啲蜂蜜芥末醬真係點綴左件事！仲有蟹餅都有驚喜，真係有絲絲蟹肉！除左三層架嘅甜點，仲有兩款口味嘅scone，分別原味同莓味。仲有每人一個焦糖燉蛋omg～scone係我鐘意嘅口感，唔會乾，配埋jam同clotted cream係正嘅！仲有架上嘅panna cotta都高質，超級動L嘅質地，奶味香又滑～仲有好濃嘅朱古力撻同埋戚風蛋糕我都好愛！呢間tea room絕對會比到驚喜人，無論係食物質素抑或環境我都好喜歡！