華香雞 (Closed)

餐廳：華香雞（老字號，始創於1988年）地點：灣仔駱克道菜式：中菜餐牌：雞，牛腩，滷水，魚類如白鱔鱸魚魚頭，蠔仔煲，蔬菜，配餸，小食同飲品。另外都有飯餐套餐。潮式沙茶牛腩煲 $98潮式沙茶牛腩係用木桶形既熱煲滾住上枱，冬天食好啱。大部分都係牛腩，好少牛筋。牛腩半肥瘦，都算淋，不過食埋肥膏都幾肥。牛筋都淋。其他配料有洋蔥絲同蔥，西芹，同少少芫荽。個潮式沙茶汁味道唔辣，好惹味。豉汁鱸魚煲 $98薑蔥鱸魚煲有大大個魚頭連上身肉砍件，面頭都好多豆豉，好香。魚肉非常滑溜，魚皮薄而滑。真係要好小心食，有唔少骨。蔬菜基本上同牛腩煲一樣。小店座位唔多，平日夜晚好忙碌，超多人外賣同堂食，等左好多個字先有位。