華香雞 (Closed)

今晚收工去左駱克道華香雞食晚飯。華香雞始創於1988年，係老字號。叫得華香雞，餐牌當然有雞，仲有牛腩，魚，蔬菜，小食同飲品。另外都有飯餐。今晚第一次黎，叫左雞同牛腩。烏龍茶香雞 半隻 $108第一次黎當然要試試招牌雞，係眾多口味揀咗烏龍茶香雞，係以秘製醬油同烏龍茶煙燻而成。雞半隻份量唔少，有髀有胸有翼。皮非常滑，肉都唔少。主要係醬油味。潮式沙茶牛腩 $88牛腩煲有6款口味，揀咗有推介既潮式沙茶口味。潮式沙茶牛腩係用木桶形既熱煲上枱，熱辣辣。牛筋超淋，入口即化。牛腩牛味唔錯，半肥瘦。其他配料有菜心4條，洋蔥絲同蔥。個潮式沙茶汁味道唔辣，調得唔錯，好惹味。小店座位唔多，大概有7張枱左右，平日夜晚7點要等位。入面都光猛企理。