華鳥風月 (Closed)

銅鑼灣CUBUS 11月新開嘅華鳥風月 @kachofugetsu.hk 喺一間新派日式居酒屋同雞尾酒吧，餐廳佔地兩層，25樓為時尚居酒屋，有別於傳統居酒屋🏮，華鳥風月追求「唯美」設計，以黑、白、灰去貫徹日本嘅「侘寂」風格，用咗木、石丶紙等元素去帶出清淨簡僕而又不失高尚嘅美感，尤其開放式廚房牆上嘅花鳥水墨畫，更加突顯出日式風味🇯🇵，比人感覺自在、寫意🥰

餐廳每日都有日本空運到港嘅飛機貨，除咗即日新鮮嘅刺身同壽司之外🍣，仲有大廚炮製嘅時令魚、琵琶蝦比客人品嚐🐟，當然唔少得日式串燒、海鮮料理丶天婦羅丶釜飯佐酒小食等，應有盡有😎

2 views

✝️靜岡縣水果茄沙律 $78
日本城公園有天然豐富嘅地理環境，農產品同水果亦喺當地非常出名。餐廳用咗當地酸甜適中、爆汁爽脆嘅水果茄🍅，配以自己醃製嘅紅酒漬蒜頭🧄，仲有新鮮嘅沙律菜🥗，喺成餐飯打頭陣嘅開胃菜

✝️海膽松葉蟹肉拖羅他他 $288
除咗地中海魚子醬同加拿大海膽🇨🇦，餐廳用咗好幾款日本新鮮刺身去整成呢個他他：帶子、松葉蟹肉、藍鯨吞拿魚碎蔥拖羅，淨係聽到佢哋個名就知一定唔惹少🤪，拖羅喺即場剁碎嘅，見到吞拿魚蓉無氧化變黑嘅情況👍，品質幾好，用香脆紫菜夾住嚟食非常滋味，唯獨個海膽有少少腥味🤏，不過食落creamy滑不溜口

✝️燒物四款
叫咗4款串燒，分別有虎蝦雞皮串($98)、阿波尾雞翼($48)、秋葵($28)同大蔥($28)，最特別最有特色嘅緊喺虎蝦雞皮串🦐，用雞皮包住虎蝦再拎去燒🔥，爽彈嘅蝦肉加上焦脆嘅雞皮食起上嚟好夾，成個口感層次都提升咗😌；阿波尾雞翼喺德島縣——全日本產量No.1嘅雞翼，以全天然無激素加上大大隻嘅size而聞名，肉質豐厚而且多汁，不過個人略嫌鹽分有啲多，有少少鹹得濟，相信咁出色嘅雞翼原汁原味都已經好好食😋

4 views

✝️鵝肝茶碗蒸 $78
呢個茶碗蒸有白果、蟹柳、雞肉喺當中，蛋滑細嫩，面頭仲有一舊煎香嘅鵝肝🤩，茶碗蒸加入咗鰹魚湯，每一啖都食得出鰹魚湯襯托起燉蛋嘅鮮香味

2 views

✝️香煎金鯛配粟米蓉 $188
香煎至魚鱗酥脆嘅金鯛望落都覺得吸引，餐廳自己調製咗宮崎粟米蓉去伴碟🌽，食落以魚鮮、鱗脆、粟米微甜為特色，絕對喺一道心機菜💕

✝️燒飯團 $48
燒飯團有3款味道揀，包括明太子、辣味噌同芝士，叫咗前兩款味道，師傅即場燒烤飯團🍙，望住熱辣辣表面微微燒焦嘅飯團，未食都已經流晒口水🤤。搽上醬汁，放喺香脆嘅紫菜上面，暖笠笠有飯焦口感嘅飯團令人食唔停口，醬汁調校得啱啱好唔會好濃味，就算辣味噌對我嚟講都唔算太辣👏

✝️蕨餅 $38
呢餐飯以蕨餅作為甜品作結，是日口味喺沖繩黑糖味，配上食用小菊🌻，賣相相當精緻，軟彈QQ嘅蕨餅配上微甜嘅黑糖醬，食落順喉一啲都唔甜溜溜，唔錯唔錯💁🏻‍♂️

9 views

以為食完甜品就完？緊喺唔好比佢停啦👻，由25樓行樓梯落去23樓，酒吧大門緊緊關上，未入去之前充滿住一層層嘅神秘感✨，當大門打開，就馬上由居酒屋風格穿梭到時尚嘅雞尾酒吧，截然不同嘅風格令客人充滿驚喜🥳，我就緊喺入去嘆多杯cocktail先走啦🍸

2 views

✝️A Day in Umaji $148
用餐廳自己浸嘅洋甘菊gin，加入桃同接骨木花糖漿，另外仲有柚子蜜糖🍯、檸檬同薄荷🌱，

0 views

望住Bartender以專業嘅技巧同手勢去調製呢杯cocktail，淨係睇嘅過程都已經值回票價😈，飲落酸酸甜甜較為fruity，一啲都唔嗆喉，好適合唔太鍾意烈酒味道嘅人飲