Video
Read full review
2023-10-13
170 views
閨蜜生日飯，提議去 香江花月 朝聖，前一陣子經常睇到好多 KOL同網紅 去打卡，已經好想去，藉口慶祝生日開心一下。門面充滿時空交錯的感覺，好似Team Lab波波密室幻彩燈影，打卡專區。裝潢華麗，靚到不得了，環境寬敞，梳化位坐得舒服，充滿上海灘懷舊氣息，會忍唔住四周圍打卡。一放工就過嚟荃灣廣場～香江花月～打邊爐，出名用料高質，擺盤精美。花月豪庭 $128坐低後首先調節一下美好心情，點了餐廳人氣特飲，味道清新怡人，賣相靚到好似個花園咁，打卡able 是必須的。先吃了中間的棉花糖，然後食新鮮的生果，哈密瓜、藍莓、奇異果。再飲一啖藍莓🫐蘋果牛奶，口感幼滑。香芳幻 $88顏色夢幻，味道充滿奶香，果香味再加乳酸香味，菠蘿汁、紅桑莓、酸奶沖調而成，飲落酸酸甜甜。雲南野菌乳鴿鍋 $348湯底我哋揀咗好有營養價值的雲南野菌乳鴿鍋，滾了又滾，湯頭味濃，滋味而且健康，我哋一人飲咗兩碗靚湯。店員幫我哋剪開乳鴿，肉質充滿甜味，材料十足，雲南各款野菌吸晒湯汁精華，好有彈性。太極兩儀 $428賣相滿分！絕對係相機食先。打邊爐又點少得牛肉呢？太極生兩儀，紅酒浸安格斯牛、黑松露牛乳浸梅花豬肉片，簡直係視覺同味覺嘅享
門面充滿時空交錯的感覺，好似Team Lab波波密室幻彩燈影，打卡專區。裝潢華麗，靚到不得了，環境寬敞，梳化位坐得舒服，充滿上海灘懷舊氣息，會忍唔住四周圍打卡。
一放工就過嚟荃灣廣場～香江花月～打邊爐，出名用料高質，擺盤精美。
6 views
0 likes
0 comments
花月豪庭 $128坐低後首先調節一下美好心情，點了餐廳人氣特飲，味道清新怡人，賣相靚到好似個花園咁，打卡able 是必須的。先吃了中間的棉花糖，然後食新鮮的生果，哈密瓜、藍莓、奇異果。再飲一啖藍莓🫐蘋果牛奶，口感幼滑。
香芳幻 $88顏色夢幻，味道充滿奶香，果香味再加乳酸香味，菠蘿汁、紅桑莓、酸奶沖調而成，飲落酸酸甜甜。
雲南野菌乳鴿鍋 $348湯底我哋揀咗好有營養價值的雲南野菌乳鴿鍋，滾了又滾，湯頭味濃，滋味而且健康，我哋一人飲咗兩碗靚湯。店員幫我哋剪開乳鴿，肉質充滿甜味，材料十足，雲南各款野菌吸晒湯汁精華，好有彈性。
太極兩儀 $428賣相滿分！絕對係相機食先。打邊爐又點少得牛肉呢？太極生兩儀，紅酒浸安格斯牛、黑松露牛乳浸梅花豬肉片，簡直係視覺同味覺嘅享受。
用紅酒浸的安格斯牛，肥美厚切夠新鮮，砌成玫瑰花的模樣，脂肪雪白平均，一滾就可以食得，最鍾意牛油香重，口感軟腍又肉汁豐富。紅酒香味散發口腔，牛魔王不能錯過。
黑松露牛乳浸的梅花豬肉片，肉質好嫩，爽脆有咬口，好適合打邊爐。
七色餃子 $108自家製餃子外皮色彩繽紛，嘗試吃出當中的精髓，款款不同好有創意，金華火腿菜肉餃、和牛香茜餃、蟲草花餃、午餐肉粟米餃、姬松茸野菌餃、冬菇薺菜餃、蟹肉黑松露餃。全部皮薄餡靚，保留原味道，黑松露芳香濃郁，飽滿爆汁，軟嫩有彈性。
七色丸 $108中式木架上枱，典雅造型靚，放滿不同顏色的丸子，墨魚丸爽口超彈牙，七色七味，濃郁口感豐富。
一帆風順 $98帆船造型實在好精緻，食落原來係秋葵蟹子墨魚滑，蟹子脆卜卜夠香，有口感，夠特別，睇得又食得。
皮蛋蝦滑 $108親自動手將皮蛋同蝦滑攪勻，皮蛋香氣四溢，彈牙蝦滑，出奇地好夾好味！
花花綠綠 $118靚到好似一盤花的菜籃，多款蔬菜拼盤，打邊爐最喜歡吃皇帝菜，串串車厘茄、粟米仔、娃娃菜、白菜仔，清新爽脆，份量非常多，飽飽了。
整體非常滿意，環境和食物都很出色，服務細心，同一大班朋友聚會、閨蜜打卡嘅好地方。
Post
