Video
Read full review
2014-03-21
3970 views
返工就算有幾辛苦, Lunch 都只係慳住慳住…平時只可以食下茶餐廳、車仔麵、碟頭飯今次有幸叨光跟老闆去見客, 見識見識法國菜 ! 高級餐廳環境果真非一般既華麗首先, 餐廳有自己既獨立升降機頭頂有水晶吊燈, 裝修高貴浪漫, 另有室外坐位如果唔係同上司一齊, 相信我一定會揀室外, 哈哈, 更加有氣氛張枱放左玫瑰裝飾, 女生睇見無不心動！推介比各位男士帶女朋友黎慶祝紀念日喔 ~法國菜加玫瑰, 女朋友一定好開心, 無得輸！餐牌係英文呢…好高檔次我睇得明就係中間幾個簡單詞語詳細我唯有細細聲問上司求解釋麵包有4款唔同選擇, 新鮮麵包特別好食 !個人特別偏愛右邊有提子既麥包細個最討厭麵包舖既提子包, 會一粒粒挑返出黎淨係食甜甜地既麵包部分人大左, 口味都改變, 今次既提子麥包就好鍾意甜甜地既提子乾配上麥包, 岩岩好, 提子乾反而點綴左麥香聽講Comté係法國好出名芝士之一，傳統硬芝士既一種平時見芝士配紅酒, 芝士配麵包比較多今次配洋蔥湯, 幾特別既配搭上枱既時候已經陣陣芝士香, 食指大動洋蔥湯偏清淡, Comté芝士味道偏濃, 互相映襯, 各有特色睇餐牌既時候只知道係魚, 唔知會係咩魚攞上枱既時候
平時只可以食下茶餐廳、車仔麵、碟頭飯
今次有幸叨光跟老闆去見客, 見識見識法國菜 !
高級餐廳環境果真非一般既華麗
首先, 餐廳有自己既獨立升降機
頭頂有水晶吊燈, 裝修高貴浪漫, 另有室外坐位
如果唔係同上司一齊, 相信我一定會揀室外, 哈哈, 更加有氣氛
張枱放左玫瑰裝飾, 女生睇見無不心動！推介比各位男士帶女朋友黎慶祝紀念日喔 ~
法國菜加玫瑰, 女朋友一定好開心, 無得輸！
餐牌係英文呢…好高檔次我睇得明就係中間幾個簡單詞語
詳細我唯有細細聲問上司求解釋
麵包有4款唔同選擇, 新鮮麵包特別好食 !個人特別偏愛右邊有提子既麥包
細個最討厭麵包舖既提子包, 會一粒粒挑返出黎淨係食甜甜地既麵包部分
人大左, 口味都改變, 今次既提子麥包就好鍾意
甜甜地既提子乾配上麥包, 岩岩好, 提子乾反而點綴左麥香
聽講Comté係法國好出名芝士之一，傳統硬芝士既一種平時見芝士配紅酒, 芝士配麵包比較多
今次配洋蔥湯, 幾特別既配搭
上枱既時候已經陣陣芝士香, 食指大動
洋蔥湯偏清淡, Comté芝士味道偏濃, 互相映襯, 各有特色
睇餐牌既時候只知道係魚, 唔知會係咩魚攞上枱既時候發現係鱈魚, 好開心! 係最愛既鱈魚！
鱈魚上面係由芝士同麵包碎整成既脆面
刀一滑就切開d鱈魚, 廚師烹調掌握得岩岩好, 魚肉肥美嫩滑
咖哩汁並唔係想像中果d印度咖哩咁濃烈, 反而係濃淡適中, 唔會蓋過魚本身既味道
薯仔值得一讚, 唔係普通中國薯仔既味道
個人感覺似美國焗薯用既薯仔（無去証實係咩薯仔，只係拋書包XD）
質感爽嫩，唔會係粉糊狀個種
最後一道就係女士最愛既甜品環節 !!裝飾用既係芝麻脆餅同香橙 Madeleine 小蛋糕
芝麻脆餅，芝麻既香味令我聯想到中式小食, 哈哈
Madeleine 小蛋糕係傳統法國甜食, 很鍾意清新橙香
奶凍分開分兩層, 上層係典型法式奶凍, 下層是開心果奶凍
濃濃既奶味, 口感軟滑, 為呢個午餐畫上甜美既句號
估唔到午餐可以如此豐富, 返屋企後晚餐都睇唔上眼啦XD
呢到既午飯時段好適合同客食lunch !
夜晚既話, 可以同伴侶燭光晚餐, 相信一定好有氣氛 !
呵呵, 特別鳴謝上司既商務午餐, 令我大開眼界 !
(Remark: 中文菜式名稱係由本人有限既中文演繹. 一切以英文為準)
Post
