柏斯意大利餐廳 (Closed)

今次去試吓粉嶺一間意大利餐廳叫做「柏斯意大利餐廳」，平時經過都見到餐廳裝修得好高貴華麗，而且餐廳入面嘅座椅吸引到我成日望入去，雍容華貴嘅感覺令我一定要入去試吓。除咗散叫食物之外，仲有晚市套餐，我哋就叫咗兩個套餐。套餐包括餐包、是日餐湯、主菜同埋甜品，仲有一杯飲品添，非常豐富。餐包一籃有唔同款式，總共有三款共六件，包括有軟綿綿嘅蕃茄麵包、脆卜卜嘅餅乾條同埋比較乾身嘅硬麵包，每一款都有唔同嘅口感，我最鍾意「番茄麵包」，因為麵包上面佈滿蕃茄，酸酸嘅蕃茄帶少少甜味嘅麵包一齊食，估唔到好match。餐湯「南瓜忌廉湯」好香嘅南瓜味道，每一啖飲洛口都好濃郁，正。主菜我揀咗「炭燒澳洲羊鞍」，而我朋友就揀咗「炭燒美國安格斯肉眼」有八安士重，兩款主菜賣相都好吸引。我最鍾意嘅「炭燒澳洲羊鞍」一碟有兩件，羊架配以加撒丁珍珠麵同埋芥茉醬，一啖咬落羊架肉質好鬆軟嫩滑，根本唔需要點任何醬汁都已經好夠味，最緊要係唔騷！珍珠麵好特別，好少機會食到，口感煙煙靭靭好似食緊意大利麵咁，幾特別。「熱情果芝士蛋糕」甜品賣相好吸引，旁邊有幾粒唔同款式嘅水果，用朱古力脆Oreo圍住蛋糕，一啖食落去有唔同嘅口感，特別熱情果芝士蛋糕，食