alfafa Cafe (Closed)

舊址前身係 delifrance ，搖身一變成一間新派 cafe，感覺舒服好多，很modern , 同時帶點日式的簡㓗裝飾，掛著大大個嘅藤吊燈，樓底看上更高。近排吃得太多，真係要清清腸胃，所以罕有地點左沙律，不過齋菜沙律就唔太啱我，所以揀咗個勁豐富又健康嘅Super bowl salad with salmon $78 有齊晒多種Super Food , 包括「煙三文魚、牛油果、沙律菜、蕃茄、蘋果片、西蘭花、羽衣甘藍提子乾、杏脯絲等」以沙律醋調味，酸酸甜甜好醒胃，份量足夠兩個人，真抵食！Cappuccino 只係+$9温度足，奶泡都不太夠；咖啡味道較弱，但勝在夠熱。細細件的 Tiramisu $26微帶咖啡酒香、芝士味略遜；口感軟滑都唔差 。Take away two pastries Cheese Puff $22拎上手不滲油，脆皮超級薄；芝士咸味突出勁濃香，好味。Fresh Croissant $20 因為第二天無返焗的情況下吃，口感及味道都退色，但牛油味仍然突出。