La Rosabelle Bar & Grill

Open Now

Now Closed

朋友新居入伙，house warming完，跟住佢搵好嘢食。去到呢間傳說中嘅英式典雅餐廳，環境裝修真係靚到不得了，座位寬敞，具氣派，令人仿如置身於歐洲古堡一樣。因為唔算太肚餓，所以唔揀套餐，每人揀d自己鍾意食嘅，再開心share 。朋友最愛Risotto，我就最愛甜品crumble。🍛黑松露鮮蝦意大利飯十分欣賞Risotto的彈牙有咬口，每粒飯都充滿黑松露香味，又滑又creamy 。要特別一提鮮蝦，肉質彈牙鮮味，仲要有6大隻，大滿足。🥩🥔西班牙黑毛豬柳配薯容豬柳鬆軟肉厚，要控制好火候才做到中間肉色粉嫩，炭烤令肉質有多一份炭香味。沙律簡單新鮮，減輕了豬柳肉的肥膩感覺，加上超好味嘅薯蓉，食得出唔係用粉開，因為裡面有咬口嘅小薯粒，仲有滿滿嘅牛油香味。🥧玉桂黑梅蘋果金寶配雲呢拿雪糕必點嘅甜品👍。玉桂同蘋果本身已經係絕配，加埋黑梅，呢個甜品就更多一份清新感覺；而雲呢拿雪糕加混和蘋果金寶一齊食，簡直係神之美食。超滿足嘅一天，喺咁華麗嘅環境與友談心，同時欣賞美景，共晉晚餐，超正。餐廳仲有室外位置，歡迎帶埋主子一齊用餐，寵物友善大推。