Poking

想食得健康，又唔dry，就要去尼間rice bowl既店舖。餐廳以木、白色為主，風格簡單。餐牌上面有deluxe或lite款式，已為客人製訂營養豐富既bowl，岩哂心大心細既朋友。亦可以自由配搭。入座後QR code落單即可。每碗既實際賣相比餐牌既相片更靚，顏色對比強烈，見到都有食慾，夏天最岩食。creamy baby($118)，尼醃最有夏日氣氛，賣相色彩繽紛。揀左壽司飯底，開胃，飯濕潤。望落感覺細，但食食下好飽肚，份量以正常男仔食，足夠。三文魚切成厚粒，鮮甜，配爽脆青瓜、木魚絲，混合芥末乳酪沙律醬，冰冰涼涼。壽司飯上鋪滿大量雞蛋絲、豆腐、蟹籽、軟滑牛油果，口感豐富，食食下會咬到脆炸蒜粒。popeye punch($68)，尼款揀左糙米飯+沙律菜底，每樣各半。糙米飯比壽司飯相對較乾身，份量都唔惹少。自家慢煮無激素雞胸好嫩滑，粉嫩色，一撕就咬得開。照燒醬香甜，配飯岩哂。雜錦香菇炒得香，散上芝麻碎更香口，豆腐豆味濃，仲有大量西蘭花，好健康。整體，食完非常飽足，配料擺得靚，見到都食得開心d。重點係，自助落單，飯量、醬汁可以揀多/少/正常，彈性非常高。食物亦岩健康、瘦身人士食用添。