Video
Read full review
2012-09-27
71 views
暫時食過最好食既四川辣雞煲 ﹗要夠辣先好食架 ﹗中辣已令我額頭冒汗辣，雞肉嫩滑帶酒香，湯汁香辣濃郁加大量香料，好好味呀 ﹗但想食好野就晚巿剛開始不太忙既時候，如果太忙或差不多收工的話，質量就會大幅下降 ﹗行行下街誤打誤撞上左黎試，樓上舖窗門位望街景，卡位寬落坐得舒服，但對住個廚房出品部，間中都幾嘈吓架。樓面地方都好寬倘，有四五張卡位，九到十張方枱，密度未算太高，可接受。研究個 menu 先，依度除左食雞煲，仲可以叫個湯底打埋邊爐添。嘩 ﹗連鮮味桂魚羊肉卷都有，下次一定要試 ﹗懷舊菜，十幾廿年前電視見過，從未有機會試到。仲有口水雞、剁椒魚頭、蟹糯米飯、東坡肉、芥香蝦球、土豆雞、醉鴿、蒜泥白肉、等等等等 ﹗全部都想食呀 ﹗keep 住研究個 menu，好多野想試呀 ﹗但又唔太肚餓、又趕時間去睇戲，只有 60 分鐘左右乍。前菜兩小碟，炸芋片口感及味道機乎同薯片一模一樣，但較為健康清淡，無咁咸。 水煮桂魚，血色既湯底，好搶眼 ﹗試一口桂魚柳，口感滑溜、結實兼彈牙、味道帶鮮魚甜味，令我都分不清係野生還是養殖喇 ﹗總之口感同味道跟野生桂魚有九成似啊 ﹗湯底辣中帶麻，好好味，好刺激 ﹗又好興奮，越食
行行下街誤打誤撞上左黎試，樓上舖窗門位望街景，卡位寬落坐得舒服，但對住個廚房出品部，間中都幾嘈吓架。樓面地方都好寬倘，有四五張卡位，九到十張方枱，密度未算太高，可接受。
研究個 menu 先，依度除左食雞煲，仲可以叫個湯底打埋邊爐添。嘩 ﹗連鮮味桂魚羊肉卷都有，下次一定要試 ﹗懷舊菜，十幾廿年前電視見過，從未有機會試到。仲有口水雞、剁椒魚頭、蟹糯米飯、東坡肉、芥香蝦球、土豆雞、醉鴿、蒜泥白肉、等等等等 ﹗全部都想食呀 ﹗keep 住研究個 menu，好多野想試呀 ﹗但又唔太肚餓、又趕時間去睇戲，只有 60 分鐘左右乍。
前菜兩小碟，炸芋片口感及味道機乎同薯片一模一樣，但較為健康清淡，無咁咸。
水煮桂魚，血色既湯底，好搶眼 ﹗試一口桂魚柳，口感滑溜、結實兼彈牙、味道帶鮮魚甜味，令我都分不清係野生還是養殖喇 ﹗總之口感同味道跟野生桂魚有九成似啊 ﹗湯底辣中帶麻，好好味，好刺激 ﹗又好興奮，越食越想食呀 ﹗
食食吓水煮桂魚，發現有薯粉做底喎，開心死 ﹗索晒血紅既麻辣汁，口感嚥靭滑溜又彈牙，正到痺呀 ﹗一路食一路颷汗，爽乎 ﹗
夾一碗薯粉配大量麻辣湯，薯粉一啖就滑落喉嚨，緊隨著勁辣既麻辣湯熱騰騰一飲而盡 ﹗情緒異常高漲 ﹗真係停唔到口呀 ﹗添食添食 ﹗
辣雞煲中辣，好香好香好香 ﹗放上張枱一打開個蓋即時香氣四散 ﹗著住電子爐滾住食，熱辣辣 ﹗大量大蒜、乾蔥頭、蔥段、青椒、辣椒、洋蔥、等等，全部爆到香口非常，加埋厚薄適中既秘製辣汁，好正呀 ﹗見 openrice 食評話加入大量豆板醬？﹗邊度有豆板醬呀。Order 半隻雞，無論雞髀、雞胸、雞背脊都嫩滑無比，雞味濃郁而帶酒香味道，好食到不得了 ﹗暫時黎講係我食過最好食既雞煲 ﹗仲有白年糕做底，索晒所有雞煲既精華，辣得美麗 ﹗但年糕太滯喇，試一兩片算數。
辣雞煲既秘製辣汁厚薄恰到好處，唔會好似某啲舖頭咁一味濃一味杰撻撻又黑蚊蚊咁。依個汁香辣非常，色澤鮮明吸引，賣相討好。
辣雞煲中辣雞半隻，好多雞肉無呃秤，仲好多配菜同年糕添呀 ﹗
奶油津白，嘩 ﹗十二分清甜多汁呀 ﹗推介 ﹗餵得入味又夠晒腍，熱騰騰咁食超鍾意 ﹗食咁辣既野，叫碟菜平衡一吓先掂呀，奶油解辣一流喎。
Post