萬發海鮮菜館 (Closed)

臨近中秋節，一家12人去左石硤尾萬發海鮮菜館食。喺石硤尾地鐵站出之後，行大約5-10分鐘就到。因為之前訂左位，唔洗等就可以入座！其中有幾道餸真係一食令人難忘！值得大力推介！其中一樣最好味既，係圖中既蟶子，足足有成隻手掌咁大隻，非常好味又好特別！另外，蒜蓉扇貝都唔錯，蒜蓉味道好香，唯一值得改善既係隻扇貝好難整出黎，癡得太實個殼!最值得一試既，一定係上圖既薯仔牛柳粒。就咁睇路可能冇乜特別，但一試就令人上癮！薯仔脆脆地，好入味，甚至有一種薯片/薯條好香既味道！而牛柳粒亦都好香，好林。味道剛剛好，唔會太鹹！我地12人食左好多道菜，都只係大約1500蚊，算係幾抵，因為味道真的很好！