반찬앤쿡 Banchan and Cook (時代廣場) (Closed)

반찬앤쿡 Banchan and Cook (銅鑼灣)星期五夜晚嚟食，出面排晒隊，最好book咗位再嚟食。餐廳用餐時間為90分鐘，上菜速度都唔算慢，員工態度都幾好。。🌟黑色海鮮蛋包飯🥚🦐 $125蛋包飯係佢哋嘅招牌菜，見到幾乎每枱都有嗌一份。呢款特別嘅地方，上面既蛋用咗墨汁所以變咗黑色，個蛋整得好滑。而下面係牛肉炒飯，有啲洋蔥同蔬菜。另外有青口同蝦，隻蝦又大隻又好食。仲配咗啲沙律，好豐富。。🌟慢煮羊膝配薯條 🐑🍟$165用咗慢煮嘅方式去烹調，所以肉質好淋唔鞋，又冇羊羶。點埋個汁一齊食會比較好食。份量都幾足仲有少量薯條沙律。。🌟蜂蜜無骨炸雞(半份)🍟🍗 $108冇諗過半份嘅份量都幾多，除咗炸雞之外仲有薯條同炸年糕。除咗蜜糖之外，表面仲有啲糖霜甜甜既。炸雞嘅炸皮好薄好香脆，擺耐咗都唔驚淋晒，食落啖啖肉好滿足。。🌟韓式雜莓牛角包窩夫🥐 $72呢款牛角包窩夫唔係平時窩夫咁，佢裏面好有層次同好濃嘅牛油香味。表面加咗水果、蜜糖、砂糖，旁邊仲有cream可以點。真係幾好食。。🌟暗黑地獄世界 (竹炭牛奶沙冰)🍧 $48🌟士多啤梨紅桑子梳打 🍓$42竹炭味唔係好出，反而牛奶味好濃，幾好飲不過有少少甜。