漫花燈火OMG (Closed)

超多網紅介紹嘅打卡餐廳， 餐廳雖小，五臟俱全，每個都係打卡位， 而且燈光光猛，唔會影到個人又黃又黑， 而且用左好多塊鏡仿似置身於萬花筒入面， 鏡面照射影人特別好睇， 好似四面八方都有人幫你打燈咁。♡黑魚子牛油果煙三文魚水牛芝士波波他他 ＄168前菜擺盤好靚，酥皮圈內面有牛油果、煙三文魚同水牛芝士波波，配士多啤梨伴碟。♡黑魚子麵包蟹意大利飯 $228意大利飯堆到好似山咁高， 蟹膏味十足， 上面有大舊蟹肉同珍貴嘅黑魚子醬， 仲有金箔同花花，超飽肚。♡ Fika $128雲朵係豆腐mousse，豆味明顯，甜度唔高。天空部分係脆糖。草地係抹茶曲奇，茶味濃郁，配上紅豆同牛奶麻糬。仲有食用花係上面， 靚到唔捨得食。