金記冰室 (置富南區廣場) (Closed)

喜愛港式風味嘅我哋，打風落雨都鍾意走去茶餐廳，鍾意款式夠多。今日我哋早咗食飯，5:30已經嚟到餐廳，發現原來呢度嘅下午茶做到六點😍炸雞髀公仔麵～大大隻炸雞脾，已經唔係咁多餐廳有得食，呢度嘅炸得啱啱好，上枱熱辣辣出晒煙，明顯即叫即整，食落仲有少少咇汁添，高質😋✨肉醬意粉✨星洲炒米～雖然係茶餐，但係份量都唔少，前者多醬汁又開胃，後者材料豐富，蝦仁、叉燒都好足料。而且QR code落單嘅時候，仲可以選擇少油添，原來而家茶餐廳都開始注意健康👍感覺唔錯！