星耀廊

冷盆有4款如蟹腳、蝦等。蟹腳比較鹹，但若加檸檬汁就好好味。魚生也有4款，如三文魚、赤背等，三文魚好好味（聽到隔離枱都讚）。天婦羅得三款，如炸秋葵（以為係炸蝦）等。壽司都有好多款，眼見就少人攞，淨係攞咗熟蝦壽司試吓，屬一般。咖喱corner得咖喱雞only。肉眼扒唔錯。Cheese & ham corner都算多款式及唔錯。有沙律bar，生果bar等。熱葷菜有炸雲吞，湯，燻蹄，豬手，湯粉麵等。有chocolate fountain，雪糕及點品蛋糕款式多。coffee多款選擇及唔錯，最可惜的是檸檬茶比較難飲。總結，食物種類多。加分係服務員有禮貌，收碟快。訂位時有要求window seat都可以安排到，服務點讚有D要改進的地方係生日牌D蛋糕係用番蛋糕櫃的蛋糕是但放兩件，有D冇用心，hea咗D（以5星級酒店不應該是這樣的）。另外，要注意酒店唔就腳，要坐shuttle bus及小心注意bus schedule 以免用餐時間變得緊迫，因服務員在14:00左右會提你食到14:30（即12:00-14:30用餐時間）。還有當天可以與（扮）熊貓的拍照，he he