Video
Read full review
2023-11-08
607 views
《八十里 - 尖沙咀》海港城呢邊有好多有好靚景觀嘅餐廳，裝修靚而且有格調，望住個大海景食飯成件事特別浪漫☺️近住登船位置果邊其實仲有好幾間食物精緻又坐得舒服既中餐廳🥰今次我就試左八十里啦💁🏻♀️門面裝潢華麗，你以為食物價位會好貴啦，其實又唔算喎，小籠包一籠都係$78，算係中價位啦，但有得坐喺大大塊落地玻璃旁邊，望住個海食飯真心好舒服😌今次我哋散叫左三道人氣菜式、一個小食、兩個甜品同兩杯飲品，而餐前小食有我朋友勁鍾意嘅楓糖合桃，甜甜脆脆的好開胃，令人食唔停口👍🏻必食💁🏻♀️茉莉花茶煙燻倉魚 $178前菜係我揀既煙燻倉魚，我個人都好少喺出面食燻魚啦，因為多骨會食得有少少論盡🤭不過佢個味道甜甜地個魚身又整到脆卜卜的，好香口入味😍係我喜歡既野💁🏻♀️麻婆豆腐波士頓龍蝦 $398我想講，個龍蝦處理得好好同個麻婆豆腐既味道好夾，一般川菜既麻婆豆腐口味偏麻同濃味，但呢度既你好明顯會食到龍蝦既鮮味，唔會比麻味蓋過左，蝦肉彈牙掛汁，呢道菜絕對係白飯小偷呢💁🏻♀️自貢鹽幫水煮安格斯牛肉 $368水煮嘢一向都係惹味之選，今次叫左水煮安格斯牛肉，用鮮嫩既安格斯牛做水煮菜式真係好奢侈呢🤭不過牛肉掛曬湯汁又麻又香，
海港城呢邊有好多有好靚景觀嘅餐廳，裝修靚而且有格調，望住個大海景食飯成件事特別浪漫☺️
近住登船位置果邊其實仲有好幾間食物精緻又坐得舒服既中餐廳🥰今次我就試左八十里啦💁🏻♀️門面裝潢華麗，你以為食物價位會好貴啦，其實又唔算喎，小籠包一籠都係$78，算係中價位啦，但有得坐喺大大塊落地玻璃旁邊，望住個海食飯真心好舒服😌今次我哋散叫左三道人氣菜式、一個小食、兩個甜品同兩杯飲品，而餐前小食有我朋友勁鍾意嘅楓糖合桃，甜甜脆脆的好開胃，令人食唔停口👍🏻必食
💁🏻♀️茉莉花茶煙燻倉魚 $178
前菜係我揀既煙燻倉魚，我個人都好少喺出面食燻魚啦，因為多骨會食得有少少論盡🤭不過佢個味道甜甜地個魚身又整到脆卜卜的，好香口入味😍係我喜歡既野
💁🏻♀️麻婆豆腐波士頓龍蝦 $398
我想講，個龍蝦處理得好好同個麻婆豆腐既味道好夾，一般川菜既麻婆豆腐口味偏麻同濃味，但呢度既你好明顯會食到龍蝦既鮮味，唔會比麻味蓋過左，蝦肉彈牙掛汁，呢道菜絕對係白飯小偷呢💁🏻♀️自貢鹽幫水煮安格斯牛肉 $368
水煮嘢一向都係惹味之選，今次叫左水煮安格斯牛肉，用鮮嫩既安格斯牛做水煮菜式真係好奢侈呢🤭不過牛肉掛曬湯汁又麻又香，又係送飯一流既菜式👍🏻底下既金菇嗦曬湯都好好味，不過會越食越辣😝
💁🏻♀️黃金龍蝦酥 $158
呢個龍蝦酥又係好驚喜既菜式，蘿蔔絲酥卷就食得多啦，原隻龍蝦咁樣上嘅龍蝦絲酥卷你又食過未？佢個味道好似平日酒樓食到既蘿蔔卷咁，但入面有彈牙既龍蝦肉，仲有個外型好似齊天大聖咁好架勢💪🏻睇得又食得，兩個人食剛剛好
💁🏻♀️楊枝甘露 $118
甜品係放另一個胃，朋友揀咗最基本嘅楊枝甘露，不過佢個賣相一啲都唔基本，成件事好Grand🤭明明確確俾你見到有大量柚子粒同芒果🥭中間仲放咗個奶凍，再按照自己喜好倒入椰奶同花奶，味道唔會太甜👍🏻好食
💁🏻♀️胭脂 $120
偷食完朋友嗰個甜品，我自己就叫咗個玫瑰草莓奶凍，餐廳幫佢改咗個好好聽嘅名叫胭脂，其實佢就係士多啤梨奶凍再配上薄脆同忌廉，仲有食到少少玫瑰果醬，我超級喜歡💙奶凍同樣唔會太甜，睇得又食得👍🏻絕對會encore
💁🏻♀️桂花青檸菠蘿冰茶 $58
朋友呢一杯青檸菠蘿冰茶個味道好熟悉，整體口味酸酸甜甜，有少少桂花糕嘅味道，所有嘢夾埋一齊有種似曾相識嘅感覺🤔但就係醒唔起喺邊度飲過，我哋食咗咁多重口味嘅嘢，飲啲酸酸甜甜嘅嘢解吓膩都唔錯
💁🏻♀️桂花烏梅梳打 $58
我就揀咗桂花烏梅梳打，其實有啲似中式酸梅湯，烏梅糖漿本身偏甜，加咗梳打水後可以幫助中和甜膩，味道幾清新，如果可以少甜啲啲就好啦😉
整體嚟講，餐廳嘅環境同景觀絕對冇得輸，我覺得如果想帶屋企人坐得舒服地食中餐，呢一間中菜館都會係我會考慮之一，就算係情侶記念日嚟呢度食飯都絕對唔失禮🥰菜式偏向創新但又混合咗傳統嘅風味，鍾意食fusion中菜的話你一定會喜歡呢度
Post
