道頓堀御好燒專門店 (新城市廣場) (Closed)

今日三個人去沙田新城市行下，見到仲有午市套餐就去食啦。可能因為係平日，所以唔係好多人，一入到去就有位。我地每人叫左1個午市套餐，有燒牛舌，芝士四重奏文字燒，御好燒。套餐有一杯野飲，一個沙律，沙律賣相幾ok，味道正常。牛舌係薄切，用左醬油黑椒等醃過，味道唔錯，但係岩岩燒熟食落都有d韌。芝士四重奏好多芝士，所以煮果時好易燶。御好燒好足料，有炒麵。每人消費大概$100，侍應服務態度良好，唔會趕人走，好願意解答問題（用邊個方法去燒），環境幾好坐，幾寬敞。