Video
Read full review
2015-05-06
652 views
四月真係特別多人生日！今日又到一位男友人的生日，佢喜歡大魚大肉又惹味的菜餚而這班朋友又有男有女......所以「打邊邊」真係不貳之選！大家都在九龍區工作，在網上找到這間什多好評的打邊爐海鮮火煱燒烤店，我冇打少字呀，間餐廳真係就咁叫做打邊爐海鮮火煱燒烤店！完全突出主題，不需再加名，只想客人記住呢度的食物！一行六人，老闆王生介紹了幾款招牌菜，聽個名很好吃價錢亦實惠，咁就點了老闆介紹的：鮮活烤魚 (香辣底）HK$368一般火煱店都係用鯇魚或桂花，好少咁落本用斑的，仲係超過兩斤的活沙巴龍躉配以惹味的香辣湯底！此餸極具份量，起碼有四個人才能吃得下！那麼大條的沙巴龍躉因為走了油，食起來魚皮煙靱，啖啖魚肉又厚又爽，極具質感！再配上香辣湯底，啖啖爽囗吸收了湯的味道，食起來非常惹味。絶對值回票價！花甲肉蟹煱(湯底)，小辣 HK$568因為怕花甲煮得太耐會靱，所以我們先把花甲打搯出來食，怎知裏面有數之不盡的花甲，六個人也用了一些時間才把煱中花甲清得七七八八。花甲非常嫩和鮮甜，而且完全沒有沙，正！接下來係隻肉蟹，蟹鉗好大隻啖啖肉，肉質很甜嫩！味道不用說了，吸收咗用超過兩斤幾花甲再加上胡椒的清湯，簡單鮮甜無比
大家都在九龍區工作，在網上找到這間什多好評的打邊爐海鮮火煱燒烤店，我冇打少字呀，間餐廳真係就咁叫做打邊爐海鮮火煱燒烤店！完全突出主題，不需再加名，只想客人記住呢度的食物！
一行六人，老闆王生介紹了幾款招牌菜，聽個名很好吃價錢亦實惠，咁就點了老闆介紹的：
鮮活烤魚 (香辣底）HK$368
一般火煱店都係用鯇魚或桂花，好少咁落本用斑的，仲係超過兩斤的活沙巴龍躉配以惹味的香辣湯底！此餸極具份量，起碼有四個人才能吃得下！那麼大條的沙巴龍躉因為走了油，食起來魚皮煙靱，啖啖魚肉又厚又爽，極具質感！再配上香辣湯底，啖啖爽囗吸收了湯的味道，食起來非常惹味。絶對值回票價！
花甲肉蟹煱(湯底)，小辣 HK$568
因為怕花甲煮得太耐會靱，所以我們先把花甲打搯出來食，怎知裏面有數之不盡的花甲，六個人也用了一些時間才把煱中花甲清得七七八八。花甲非常嫩和鮮甜，而且完全沒有沙，正！接下來係隻肉蟹，蟹鉗好大隻啖啖肉，肉質很甜嫩！味道不用說了，吸收咗用超過兩斤幾花甲再加上胡椒的清湯，簡單鮮甜無比！食完兩個菜/煱都飽飽地，但煱中還有大量我至愛的什菇，當然不會放過！吸收了兩斤花甲和蟹的鮮味，真的爽甜無比哩！
本地手切鮮牛頸脊 HK$2xx兩個餸後，我已經飽到投降了。班食肉獸還點了本地手切鮮牛頸脊 HK$2xx！我是牛魔王，我當然不會錯過啦！！牛肉好鮮味，肉汁豐富，這部位肥瘦恰當，肉質非常彈牙！正正！！
招牌臘味煲仔飯 (大）HK$188本來已經飽到上心口，但老闆話一定要試佢地個招牌臘味煲仔飯，因為是廚師堅持由生米煮成熟的煲仔飯，很花功夫！原來不好米飯的我, 也很好奇試試。侍應在我隔離分飯，一打開煲蓋，臘味同飯焦混合的香味簡直令人垂涎三尺，再加上特製的煲仔飯豉油真的令我地不能再等嘞！！老闆果然冇誇大大，㕑師堅持專心用手不斷攪動而煮成煲仔飯令每粒飯又香又卜卜脆，每粒也唔燶的飯焦⋯⋯臘味採用上乘的材料，香但不肥膩！
Other Info. :
惠顧1000元以上可憑的士收據(只限去程)回贈最高50元的車資補貼)
(The above review is the personal opinion of a user which does not represent OpenRice's point of view.)
Post
