Video
Read full review
2023-06-28
1876 views
之前舊同事FCP約女同事ES,男同事RL同我食晏,我哋約好6-6-2023(Tue)喺呢喥食晏,亦book咗位,不過FCP臨時有事唔嚟得,我哋三個就照嚟.呢喥嘅門口真係幾隱蔽,如果唔係ES同RL之前嚟過帶路,我都唔敢入,我哋被安排坐一張靠窗嘅四人位,我哋睇menu,$128.00起嘅lunch set嘅主食只有兩種揀.睇完,ES要乜都有嘅$168.00餐,我同RL要$148.00四選三嘅餐.我要華都夫沙律,端上嚟睇,就只有青蘋果同沙律菜,調味就係微微酸甜嘅沙律醬,材料新鮮,呢個好普通,但o家至睇到,原來材料應該係有蘋果,合桃,馬鈴薯同杏果,但最後嗰三樣完全係冇.味道:3分而主菜我就揀要加$20.00嘅香煎青班魚柳配時蔬伴蜜糖芥末汁,睇見份量唔多,青班魚柳好熱同係熟晒,口惑有少少嚡;蜜糖芥末汁唔算好惹味;時蔬有薯仔,紫薯,車厘茄同三色椒.味道:3分甜品方面,我哋三個人啱啱要晒三種share食.我先食雲呢拿千層蛋糕,佢嘅雲呢拿香唔算好濃,千層蛋皮都係正常冇問題.味道:3分歌劇院蛋糕,睇見個樣,我就記得曾幾何時我係食過,呢個好明顯面嗰層係黑朱古力,都幾甘苦,而成個口感都唔多蛋糕層咁.味道:3
呢喥嘅門口真係幾隱蔽,如果唔係ES同RL之前嚟過帶路,我都唔敢入,
我哋被安排坐一張靠窗嘅四人位,我哋睇menu,
$128.00起嘅lunch set嘅主食只有兩種揀.睇完,ES要乜都有嘅$168.00餐,我同RL要$148.00四選三嘅餐.我要華都夫沙律,端上嚟睇,就只有青蘋果同沙律菜,調味就係微微酸甜嘅沙律醬,
華都夫沙律
28 views
0 likes
0 comments
味道:3分
而主菜我就揀要加$20.00嘅香煎青班魚柳配時蔬伴蜜糖芥末汁,睇見份量唔多,
香煎青班魚柳配時蔬伴蜜糖芥末汁
22 views
0 likes
0 comments
香煎青班魚柳配時蔬伴蜜糖芥末汁
22 views
0 likes
0 comments
味道:3分
甜品方面,我哋三個人啱啱要晒三種share食.
我先食雲呢拿千層蛋糕,佢嘅雲呢拿香唔算好濃,千層蛋皮都係正常冇問題.味道:3分
歌劇院蛋糕,睇見個樣,我就記得曾幾何時我係食過,呢個好明顯面嗰層係黑朱古力,都幾甘苦,而成個口感都唔多蛋糕層咁.
味道:3.5分
最後食藍莓芝士蛋糕,呢個都係正常冇問題.
味道:3分
最後餐茶我揀冷泡檸檬薑茶,
呢個味道唔係好濃,普通,而飲到最底,竟然飲到有蜜糖,既然有加蜜糖,點解唔俾嘢客人攪勻嚟飲?味道:2.7分
環境:
枱好大好闊,空間感亦好足夠;
不過我個位嘅冷氣好似唔多夠.服務:
放餐湯俾咗三碗,其實只有我一人唔要餐湯,係俾錯咗?而之後侍應即刻拎返話俾多咗.
而個女仔會密密斟水.
抵食係 2.5分
Post
