麵麵 (Closed)

✨ 好耐無同過老母大人出街啦，今日難得有時間就陪媽媽行吓旺角食吓野。✨ 位於彌敦道726號開咗間食魚麵嘅食店，難得老母咁中意試野又中意食啲健康食材，我地就去咗試吓呢間餐廳🤤🤤✨呢間麵麵最特別呢就係食魚麵。每次嗌麵，店員都俾我地簡食魚烏冬定食魚麵。魚烏冬就有50%嘅魚肉，食落口比較煙韌，而魚麵就有成70%係魚肉，食落口好爽口彈牙。而小妹本人就中意食魚烏冬多啲啦。✨先黎餐牌。✨ 魚之戀濃魚湯魚麵👧🏻 魚之戀出色之處就係佢地有好好食嘅魚春卷，佢地嘅春卷完全唔腥，加埋炸過嘅口感，食完一條會再想食落去㗎🤤🤤🤤✨ 牛之戀濃魚湯魚烏冬👧🏻 先唔講魚烏冬，牛之戀係用咗安格斯肥牛同手打牛丸去做嘅。最特別就係粒牛丸，食落去好有咬口、而且好重牛味。✨ 避風塘雞翼沙律✨流心芝士墨魚波👧🏻 小妹最中意就係食佢地嘅芝士墨魚波，除咗係因為流心芝士嘅關係，佢地嘅墨魚波整得好彈牙，而且好明顯就知道唔係喺出面買番黎炸熱佢。所以貴得黎都物超所值㗎。