HABO室內釣蝦場 (Closed)

呢排成日落雨，最啱玩啲室內活動，就係去石門新開嘅HABO釣蝦場玩下又食下~價錢一D都唔貴，包埋誘餌，釣竿等一切工具，總之咩都唔洗帶就可以去玩了。今次係我人生第一次釣蝦，話難唔難話易唔易，有靚女工作人員教你點釣，好快就成功釣到一隻，都幾大隻下，非常生猛，好有成功感。我第一次釣，一個鐘釣到5,6隻，成績算係咁啦，釣完可以俾職員幫你煮黎食，有鹽燒、醬油、痳辣同埋椒鹽等煮法，都係每斤30蚊加工費。在心大心細選擇邊種煮法之際，店員話可以加錢買黎食，咁…就一次過試哂4種味道啦！個人覺得鹽燒最好味，因為啲大頭蝦本身已經好新鮮，HABO養得佢地好乾淨，水質好清，一啲異味都冇，所以簡單煮法最能帶出鮮味。醬油味就幾特別，有Ｄ和風；我朋友鍾意食辣，佢又覺得痳辣同椒鹽好鬼正好惹味。由於太好味，又玩到餓餓地，我地又叫多左兩份小食，秘制醬油燒花枝丸同埋燒雞中翼，呢度乾淨企靜靜地同朋友傾住計咁食小食都幾開心，的確是一個幾唔錯的週末活動，工作左成個星期，就是要咁想慢活舒壓一下。