Pizza Bar (Closed)

PIZZA BAR 灣仔恆澤商業大廈第一次帶媽咪落BAR，見識下，食吓Pizza，感覺幾得意😎唔係飲酒喎，飲Fruit Punch 咋😂😂😂員工好親切，暖色環境都幾有情調。Fruit Punch 由老師傅調配嘅，即叫即整，你仲可以望住佢整添，好新鮮，好甜。香煎墨魚餅三件$42好大塊，抵食，切得好好，鬆軟，適合吹水慢慢傾偈嘅小食，食完又飲啖Fruit Punch ，Hea下，幾Relax。酥炸魷魚鬚$75果然炸得非常鬆脆，唔油膩，魷魚鬚入邊軟滑爽口，證明新鮮，唔係硬骨骨，點埋佢嘅沙律醬，好味，唔會太鹹。配襯沙律清爽下口感。海王星pizza Mini $614塊剛剛好 ，食得晒又唔會太飽，即叫即整，熱辣辣，薄批，餅底夠脆，蝦同魷魚🦑都足料。